ევროპულ და ევროატლანტიკურ სტრუქტურებში ინტეგრაციის საკითხებში სახელწმიფო მინისტრის ვიქტორ დოლიძის განცხადებით, საქართველო არის ყველაზე წინ წასული ქვეყანა, რომელიც ევროკავშირიდან და სხვადასხვა დონორი ორგანიზაციებიდან წამორებულ დახმარებას მაქსიმალურად ეფექტურად იყენებს.

მინისტრის ინფორმაციით, ნატოსა და ევროკავშირის კომისიის გაერთიანებულ სხდომაზე, საქართველოს პარტნიორების მხრიდან დადებითი შეფასება მიიღო.

მისივე თქმით, კომისიის წევრებმა ნატოსა და ევროკავშირში საქართველოს გაწევრიანების სტრატეგიული კომუნიკაციების სამთავრობო დოკუმენტს მხარი დაუჭირეს.

როგორც დოლიძემ აღნიშნა, დოკუმენტზე მუშაობის პროცესში შესაბამისი უწყებები, ექსპერტები და არასამთავრობო ორგანიზაციებიც იყვნენ ჩართული.

„დღეს გვქონდა ევროპასთან ინტეგრაციის, ასევე ევროატლანტიკურ სტრუქტურებში ინტეგრაციის სახელმწიფო კომისიების ერთობლივი სხდომა. ჩვენ მხარი დავუჭირეთ ნატოსა და ევროკავშირში საქართველოს გაწევრიანების სტრატეგიული კომუნიკაციების სამთავრობო დოკუმენტს, რომელიც ძალიან მნიშვნელოვანი ელემენტია ჩვენი საზოგადოებისთვის. კერძოდ, ცნობირების ამაღლების კუთხით და მათთვის ინფორმაციის მიწოდების კუთხით, იმ თემებთან დაკავშირებით, რომელიც უკავშირდება როგორც ევროპულ ასევე ევროატლანტიკურ ინტეგრაციას. ძალიან მნიშვნელოვანი დოკუმენტი დავამტკიცეთ, რომელიც უკავშირდება 2017 წლის ყოველწლიურ სამოქმედო გეგმას ნატოსთან თანამშრომლობის კუთხით. ძალიან პოზიტიურად შეფასდა 2016 წლის სტრატეგიული კომუნიკაციის გავლილი ეტაპი. რა თქმა უნდა ვიმსჯელეთ, როგორც ნატოს ასევე ევროკავშირის ინტეგრაციის პროცესებთან დაკავშირებულ საკითხებზე. გვესწრებოდნენ პარლამენტის შესაბამისი კომიტეტის წევრები, რომლებთანაც აქტიურად ვთანამშრომლობთ“, - აღნიშნა ვიქტორ დოლიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს