საქართველოს პრეზიდენტი გიორგი მარგველაშვილი აცხადებს, რომ არ იცის, "რუსთავი 2"-ის სამართლებრივი მფლობელი ვინაა.

 როგორც მან „იმედის დროში“ სტუმრობისას განაცხადა, არც ის იცის, ვინაა ტელეკომპანიის პოლიტიკური მფლობელი, მაგრამ იცის, რომ რუსთავის 2, იმედის, მაესტროს, კავკასიის და ყველა ტელეკომპანიის პროდუქტი საზოგადოებას ეკუთნის.

„"რუსთავი 2-ის გაჩერებით ჩვენ ძალიან დიდი დარტყმას მივაყენებთ ქართულ დემოკრატიას და საერთაშორისო იმიჯს. ორივე უაღრესად მნივნელოვანია. "რუსთავი 2"-მა დააფიქსირა, რომ ის არის პროდასავლური არხი. ეს ძალიან მნიშვნლოვანია. სწორედ ამიტომ სენსიტიურობა რუსთავი 2-ის მისამართით იზრდება", - აღნიშნა გიორგი მარგველაშვილმა.

მანვე 7 ნოემბერს ტელეკომპანია "იმედის" დარბევა გაიხსენა:

"2007 წელს, როცა ტელეიმედი დაარბიეს, ვთქვი, რომ ეს სააკაშვილისთვის ტრაგიკული შემთხვევაა, რომლისთვისაც ის გადაიხდის და ასეც მოხდა. 2012 წელს ჩვენ მოვედით და ვთქვით, რომ დამთავრდებოდა მოსმენები, შანტაჟი, დაპატიმრებები და ა.შ. 2012 წლის შემდეგ,  ჩვენ მნიშვნელოვნად შევცვალეთ მიდგომა, მაგრამ თავისუფლება და დემოკრატია არასდროს არის მოპოვებული სამუდამოდ, ამიტომაც მუდმივად უნდა ვიყოთ ფხიზლად",-განაცხადა პრეზიდენტმა.

გარდა ამისა, გიორგი მარგველაშილმა ჟურნალისტის კითხვაზე, არის თუ არა "რუსთავი 2" ერთადერთი თავისუფალი ფანჯარა უპასუხა, რომ ის ყველა ტელეკომპანიის ეთერში თავს თავისუფლად გრძნობს.

„ ჩვენთვის იქნებოდა მართლაც სერიოზული პრობლება, თავისუფლების კუნძულები რომ არსებობდეს ან მხოლოდ ერთი არხი იყოს თავისუფალი“,-განაცხადა გიორგი მარგველაშვილმა „იმედის დროში“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა