საქართველოში, ბრიტანეთის სამხედრო ინსპექტორის მოადგილის, პოლკოვნიკ ბარი გრინის ხელმძღვანელობით,  გაერთიანებული სამეფოს დელეგაცია იმყოფება.

თავდაცვის სამინისტროს ინფორმაციით, ვიზიტის  მიზანს  საქართველოს თავდაცვის უწყებისთვის ბრიტანეთის სამხედრო ინსპექტორატის გამოცდილების გაზიარება და სამომავლო თანამშრომლობის პერსპექტივების განხილვა  წარმოადგენს.

ოფიციალური ვიზიტის ფარგლებში, დელეგაციის წევრები საქართველოს თავდაცვის მინისტრის  მოადგილეს,  ლევან ღირსიაშვილსა და გენერალური შტაბის საბრძოლო მზადყოფნის მონიტორინგის დეპარტამენტის უფროსს, პოლკოვნიკ ნიკოლოზ ჯანჯღავას შეხვდნენ.  ბრიტანელი სტუმრები  ნატოს სამეკავშირეო ოფისსაც ეწვივნენ.

დღეს, საქართველოს თავდაცვის სამინისტროსა და ბრიტანული არმიის სამხედრო ინსპექტორატს შორის თანამშრომლობის მემორანდუმი გაფორმდა. დოკუმენტს ხელი საქართველოს მხრიდან გენერალური შტაბის უფროსის მოადგილემ, პოლკოვნიკმა გიორგი კბილცეცხლაშვილმა მოაწერა.

მემორანდუმით განისაზღვრა სამხედრო ინსპექტორატსა და საქართველოს გენერალური შტაბის საბრძოლო მზადყოფნის მონიტორინგის სამმართველოს შორის მომავალი ურთიერთთანამშრომლობის საკითხები.  თანამშრომლობა პროფესიული უნარ-ჩვევების ამაღლებას, სპეციფიკური ღონისძიებების განსახორციელებლად, მენტორობასა და მხარდაჭერას,  პოლიტიკის, პროცედურებისა და დოკუმენტაციების გაცვლასა და სამხედრო ინსპექტორებისათვის ბრიტანეთის სასწავლო დაწესებულებების მიერ შემოთავაზებულ პროგრამებში მონაწილეობას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა