„მე მივიღე გადაწყვეტილება, რომ დანაშაულის სტატისტიკა არ ქვეყნდება, არანაირი კანონი ამას არ მავალდებულებს“,-ამის შესახებ შინაგან საქმეთა მინისტრმა გიორგი მღებრიშვილმა დანაშაულის სტატისტიკასთან დაკავშირებულ საკითხზე საუბრისას განაცხადა.

მინისტრის თქმით, სტატისტიკის წარმოების მეთოდოლოგია ერთიანი არ არის და ვისაც როგორ უნდა ისე ითვლის.

„მხედველობაში მაქვს ის უწყებები, რომლებიც ითხოვენ ამ სტატისტიკას. ამას მიეძღვნა ერთი შეხვედრა, რომელიც ჩაატარა ჩემმა მოადგილემ, კონკრეტულად ახსნა ეს ყველაფერი და მე ვფიქრობ, რომ ყბადაღებულ თემად იქცა სტატისტიკა, თითქოს ჩვენ არ ვაქვეყნებთ სტატისტიკას, ვმალავთ. არავისთან არაფერს არ ვმალავთ, ძალიან ბევრი ინტერპრეტაციის საშუალება აქვს ძალიან ბევრ ადამიანს, როგორც უნდა ისე ითვლის ამ სტატისტიკას. მე კიდევ ერთხელ გეუბნებით, სტატისტიკა დაითვლება წლის ბოლოს, როგორც ყველა ცივილიზებულ ქვეყანაში არსებობს და არა ისე, როგორც ახლა - მთელ შინაგან საქმეთა სამინისტროს კედელთან გვაყენებენ და გვეუბნებიან, რომ ლამის არის კვირაში ერთხელ ვაქვეყნებთ ჩადენილი დანაშაულების შესახებ ინფორმაციას“, - აღნიშნა გიორგი მღებრიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს