ჩვენ პრაქტიკულად ერთი ნაბიჯი დაგვრჩა, რომ ჩვენმა თანამოქალაქეებმა უვიზოდ გაეგზავრონ ევროკავშირსა და შენგენის ზონაში, - ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, ვიქტორ დოლიძემ განაცხადა.

როგორც დოლიძემ აღნიშნა, ყველა საჭირო გადაწყვეტილება უკვე მიღებულია. 

„ჩემი აზრით, ჩვენ გადავედით უკვე ფინალურ ეტაპზე. გადაწყვეტილება ისეთ რთულ საკითხებთან მიმართებაში, როგორიც იყო შეჩერების მექანიზმი, უკვე მიღებულია. საბოლოო პროცედურებია გასავლელი, რომელიც შეეხება მაგალითად კენჭისყრას ევროპარლამენტში, შემდეგ ევროკავშირის საბჭოში დოკუმენტის და პროცესის დასრულება, რომელიც მთავრდება ევროპარლამენტის პრეზიდენტის ხელის მოწერისა და იმჟამინდელი პრეზიდენტი ქვეყნის საგარეო საქმეთა მინისტრის ხელმოწერით.  შემდეგ გადაწყვეტილება ქვეყნდება ჟურნალში, რომლის გამოქვეყნებიდან 20 დღის ვადაში შედის ძალაში პროცედურულად ეს შეთანხმება",-აღნიშნა დოლიძემ.

მისივე თქმით, თარიღს ზუსტად ვერ დაასახელებს, იქნება ეს 2017 წლის დასაწყისში, თუ ადრეულ გაზაფხულზე.

"ზუსტად არ ვიცი, თარიღი იქნება ეს წლის დასაწყისი, თუ ადრეული გაზაფხული, თუმცა ვფიქრობ, რომ ჩვენ პრაქტიკულად ერთი ნაბიჯი დაგვრჩა, რათა ჩვენმა თანამოქალაქეებმა უვიზოდ იარონ ევროკავშირსა და შენგენის ზონაში“,-აღნიშნა დოლიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ