რიო-დე-ჟანეიროში პოლიციამ დემონსტრანტების დასაშლელად ცრემლსადენი გაზი და რეზინის ტყვიები გამოიყენა

2016-12-07 12:48:00, 2750 ნახვა

მსოფლიო

რიო-დე-ჟანეიროში პოლიციამ დემონსტრანტების დასაშლელად ცრემლსადენი გაზი და რეზინის ტყვიები გამოიყენა, - ამის შესახებ BBC იუწყება.

მედია საშუალების ინფორმაციით, ასობით ადამიანი ხელისუფლების ეკონომიის ზომებს აპროტესტებდა. საპროტესტო აქციის მონაწილეთა უმრავლესობა სახელმწიფო მოხელეები იყვნენ. დემონსტრანტები ნაციონალური ასამბლეის შენობასთან შეიკრიბნენ, სადაც საბიუჯეტო ხარჯების შემცირებაზე მსჯელობდნენ.

BBC-ის ცნობით, შეტაკების დროს 8 სამართალდამცავი დაშავდა. ცრემლსადენი გაზით ასევე ერთ-ერთი კანონმდებელიც მოიწამლა.

ცნობისთვის, ბრაზიიის ხელისუფლება სოციალური პროგრამებისა და პენსიების შემცირებას, ასევე საზოგადოებრივი ტრანსპორტის ღირებულების გაზრდას გეგმავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან