ირაკლი კობახიძე იმედოვნებს, რომ ზურაბ ჟვანიას საქმეზე საზოგადოებაში არსებულ კითხვებს პასუხი გაეცემა

2016-12-06 14:46:08, 2249 ნახვა

სამართალი კომენტარი

პარლამენტის თავმჯდომარე ირაკლი კობახიძე იმედოვნებს, რომ ზურაბ ჟვანიას საქმეზე საზოგადოებაში არსებულ კითხვებს პასუხი გაეცემა.

ამის შესახებ მან ჟურნალისტებს ექსპერტ ლევან ჩაჩუას მიმართ უზენაესი სასამართლოს გადაწყვეტილების კომენტირებისას განუცხადა.

"უნდა დასრულდეს გამოძიება, სასამართლო პროცესი. უნდა დაველოდოთ პროცესის დასრულებას. რაც შეეხება კითხვებს, ზოგადად, კითხვები არსებობდა საზოგადოებაში და დღემდე არსებობს. იმედი მაქვს, ამ კითხვებს გაეცემა პასუხი",- განაცხადა კობახიძემ.

შეგახსენებთ, უზენაესმა სასამართლომ ზურაბ ჟვანიას საქმის სასამართლო-სამედიცინო ექსპერტის ლევან ჩაჩუას გამამართლებელ განაჩენზე პროკურატურის საჩივარი დაუშვებლად ცნო. აღნიშნული გადაწყვეტილებით ძალაში დარჩა ზურაბ ჟვანიას საქმეზე, სასამართლო-სამედიცინო ექპერტის ლევან ჩაჩუას მიმართ ორი ინსტანციის მიერ გამოტანილი განაჩენი, რომლითაც იგი გამართლდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან