პარლამენტის თავმჯდომარის დავით უსუფაშვილის განცხადებით, მას „რესპუბლიკური პარტიის“ არჩევნებამდე დატოვებას ურჩევდნენ, თუმცა ეს არ გააკეთა.

უსუფაშვილის თქმით, აღნიშნულ პარტიასთან ერთად 25 წელი გაატარა და არჩევნებზე სწორედ მისი სახელით უნდა  გასულიყო:

„პარტიის დატოვების თაობაზე მიკიჟინებდა ბევრი არჩევნებამდე, მაგრამ ამას არ გავაკეთებდი არავითარ  შემთხვევაში იმიტომ, რომ პარტიასთან ერთად  განვვლე 25 წელი და პარტიასთან ერთად უნდა გავსულიყავი ამ არჩევნებზე. გავაკეთე ყველაფერი, რაც შემეძლო. ჩვენ ერთად მივიღეთ ის შედეგი, რაც მივიღეთ. ამიტომ, მე პარტიასთან ერთად ჩაძირული ამ არჩევნების შემდეგ, ახლა ინდივიდუალურად გავაგრძელებ ჩემს პოლიტიკურ საქმიანობას. პარტია თავის სიტყვას კვლავაც იტყვის ქართულ პოლიტიკაში“,-განაცხადა დავით უსუფაშვილმა.

მას კითხვა დაუსვეს, ხომ არ აპირებს ირაკლი ალასანიასთან თანამშრომლობას, რაზეც უსუფაშვილს ცალსახა პასუხი არ გაუცია.

„არანაირი კონკრეტული გეგმა და სქემა არ მაქვს ვის შევხდები და ვის დავურეკავ. ეს არაა ამწუთუის საქმე“,-აღნიშნა დავით უსუფაშვილმა.

შეგახსენებთ, დავით უსუფაშვილმა „რესპუბლიკური პარტია" დატოვა.

მისი თქმით, პარტიის დამფუძნებლებს და სხვა ლიდერებს აქვთ შემდგომი საქმიანობის თაობაზე პოლიტიკური, ტაქტიკური და ღირებულებითი ხედვები, რომლებსაც ის არ იზიარებს

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა