„საქართველოს ყირგიზეთის რესპუბლიკის სახით ერთგული მეგობარი და საიმედო პარტნიორი ჰყავს“, - ამის შესახებ საქართველოს პრეზიდენტმა გიორგი მარგველაშვილმა, საქართველოში ოფიციალური ვიზიტის ფარგლებში მყოფ ყირგიზეთის პრეზიდენტ ალმაზბეკ ატამბაევთან ერთობლივ პრესკონფერენციაზე განაცხადა.

პრეზიდენტის თქმით, საქართველო, როგორც დასავლეთისა და აღმოსავლეთის დამაკავშირებელი ხიდი, საერთაშორისო ურთიერთობისთვის უნიკალურ შესაძლებლობებს ქმნის.

„ჩვენ მზად ვართ ჩვენს პარტნიორებს გავუზიაროთ ევროკავშირთან ღრმა და ყოვლისმომცველი თავისუფალი ვაჭრობის სარგებელი. შეხვედრაზე ხაზი გაესვა შავი ზღვის რეგიონის მნიშვნელობას და საქართველოს როლს, რომელიც პოლიტიკური, ეკონომიკური, სავაჭრო კავშირების განმტკიცების თვალსაზრისით მნიშვნელოვანია. ყურადღება გამახვილდა ევროპა-აზიის სატრანსპორტო დერეფნის მნიშვნელობაზე, "აბრეშუმის გზასა" და ტრანსრეგიონული თანამშრომლობის გაღრმავებაზე. შეხვედრაზე ასევე განვიხილეთ ჩვენს ქვეყნებს შორის ტურიზმის სფეროში თანამშრომლობის პოტენციალი. დღეს ასევე ხელი მოეწერა რამდენიმე შეთანხმებას, რომლებიც ხელს შეუწყობს შემდგომ თანამშრომლობას  უსაფრთხოების, ეკონომიკისა და განათლების  სფეროებში. ჩვენ ასევე განვიხილეთ ჩვენს რეგიონში მიმდინარე მოვლენები, მშვიდობისა და უსაფრთხოების პრობლემატიკა. ვისაუბრეთ საქართველოს ოკუპირებულ ტერიტორიებზე შექმნილ მწვავე ვითარებაზე, მავთულხლართებისა და ხელოვნური ბარიერების აღმართვის  საკითხებზე. მე გავაცანი ბატონ პრეზიდენტს ოკუპირებულ ტერიტორიებსა და მიმდებარე ტერიტორიებზე მშვიდობიანი მოსახლეობის უფლებების სისტემატიური დარღვევის ფაქტები და არსებული ჰუმანიტარულ პრობლემები.  მინდა ვისარგებლო შემთხვევით და მადლობა გადავუხადო ყირგიზეთის რესპუბლიკის პრეზიდენტს საქართველოს სუვერენიტეტისა და ტერიტორიული მთლიანობის მტკიცე მხარდაჭერისათვის.  მინდა ხაზგასმით აღვნიშნო, რომ საქართველოს ყირგიზეთის რესპუბლიკის სახით ჰყავს ერთგული მეგობარი და საიმედო პარტნიორი“,-განაცხადა გიორგი მარგველაშვილმა.

გიორგი მარგველაშვილმა მადლობა გადაუხადა ყირგიზეთის პრეზიდენტს ჩამობრძანებისთვის და დასძინა, რომ ყირგიზეთის პრეზიდენტის ისტორიული ვიზიტი საქართველოში,  ორ ქვეყანას შორის  მრავალწლიან მეგობრობას და თანამშრომლობას ადასტურებს.

„ბატონო პრეზიდენტო, კიდევ ერთხელ მადლობას გიხდით ჩამობრძანებისათვის. დარწმუნებული ვარ თქვენი ვიზიტი ხელს შეუწყობს ჩვენი თანამშრომლობის შემდგომ განვითარებას. მადლობელი ვარ თქვენი მოწვევისათვის ყირგიზეთში“, - განაცხადა საქართველოს პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია