2016-10-08 13:45:39, 676 ნახვა
პოლიტიკა
ღარიბაშვილი საპრეზიდენტო არჩევნებში მონაწილეობაზე: მე ბევრ რამეზე ვფიქრობ
ჟურნალისტის კითხვაზე მიიღებს, თუ არა მონაწილეობას ირაკლი ღარიბაშვილი საპრეზიდენტო არჩევნებში, ყოფილმა პრემიერ-მინისტრმა აღნიშნა, რომ იქამდე დიდი დროა.
„იქამდე ჯერ კიდევ დიდი, დროაა. მე ბევრ რამეზე ვფიქრობ“, - განაცხადა ირაკლი ღარიბაშვილმა.
როგორც ყოფილმა პრემიერმა აღნიშნა, ის იზიარებს შეფასებას, რომლის თანახმადაც საქართველოში უპრეცენდენტოდ მშვიდი არჩევნები მიმდინარეობს. მისივე თქმით, მან არჩევანი ქვეყნის უკეთესი მომავლისთვის გააკეთა.
"გავაკეთე არჩევანი ჩვენი ქვეყნის უკეთესი მომავლისთვის. პირველ რიგში ხმა მივეცი ჩვენი ქვეყნის მშვიდობას, თავისუფლებას, სტაბილურობას და წინსვლას. ეს ჩვენი მოსახლეობის მთავარი ამოცანაა“, - აღნიშნა ღარიბაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
