იანოშ ჰერმანი: ვიზალიბერალიზაცია ძალაში ძალიან მალე შევა

2016-10-06 11:57:48, 872 ნახვა

პოლიტიკა

საქართველოში ევროკავშირის ელჩის იანოშ ჰერმანის განცხადებით, ამ ეტაპზე შეუძლებელია იმაზე საუბარი, თუ როდის შევა საქართველო-ევროკავშირის შორის ვიზალიბერალიზაცია ძალაში, თუმცა როგორც ჰერმანმა აღნიშნა, დარწმუნებულია ეს ძალაიან მალე მოხდება.

"ჩემზე კარგად არავინ იცის, რამდენად მნიშვნელოვანია ეს პროცესი საქართველოს ნებისმიერი მოქალაქისთვის და მთლიანად ქვეყნისთვის. ევროკავშირი ზოგადად ინტეგრაციის პროცესია. ამ პროცესში ყველანი ნაბიჯ-ნაბიჯ წინ მივიწევთ. ასევე, იმედი მაქვს, გუშინდელი გადაწყვეტილება იქნება კიდევ ერთი ნაბიჯი და ეს პროცესი არ შეჩერდება. შეუძლებელია ამ ეტაპზე ვადებზე საუბარი, რომ მკითხოთ როდის შევა ვიზალიბერალიზაცია ძალაში, გეტყვით, რომ არ ვიცი, მაგრამ დარწმუნებული ვარ ეს ძალიან მალე მოხდება", - განაცხადა ჰერმანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან