საპარლამენტო უმრავლესობის ლიდერი გია ვოლსკი მიიჩნევს, რომ პრეზიდენტის არაპირდაპირი არჩევის წესით პარლამენტი ხელისუფლებების შტოებს შორის ძალთა ბალანსს არ დაარღვევს.

როგორც ვოლკსიმ „ექსპრესნიუსს“ განუცხადა, ბევრ საკითხზე გუნდური გადაწყვეტილება არ მიიღება და მსგავსი გაუგებრობები აღარ უნდა მოხდეს.

„სახელისუფლებო უწყებებში ბალანსის დაცვა კონსტიტუციითა განსაზღვრული. ამასთან, ბევრ ქვეყანაში, მათ შორის ევროპულშიც, პრეზიდენტს არაპირდაპირი გზით ირჩევენ და საჭიროა ამ გამოცდილების გამოყენება. საზოგადოებას, რომელიც პარლამენტის არჩევნებში რომელიმე გუნდს ირჩევს იმედი აქვს, რომ პოლიტიკური ჯგუფი ღირსეულ მთავრობას აირჩევს. ასე თუ შეხვედავთ საკითხს, რომ პარლამენტის მიერ პრეზიდენტის არჩევით ძალთა ბალანსი დაირღვევა, მაშინ ისიც გავიხსენოთ, რომ პარლამენტის თავმჯდომარისაც და სხვა ბევრი მნიშვნელოვანი  თანამდებობის პირის არჩევის დროს, საბოლოო სიტყვას სწორედ პარლამენტი ამბობს. ამ შემთხვევაში პარლამენტის უნდობლობაზეა საუბარი, რაც არასწორია. ვინაიდან კონსტიტუციონალისტი არ ვარ, ამ თემაზე კამათი არ მინდა. თუმცა, იმას, რომ პრეზიდენტის არაპირდაპირი არჩევის წესით პარლამენტი ხელისუფლებების შტოებს შორის ძალთა ბალანსს დაარღვევს, ამას აპრიორი გამოვრციხავ.  მაშ რა გამოდის - პრეზიდენტი ხალხმა უნდა აირჩიოს და სხვა მნიშვნელოვანი თანამდებობების დაკომპლექტება პარლამენტის თანხმობით უნდა მოხდეს. ამ მექანიზმში თავიდანვე ანტაგონიზმი უნდა იყოს ჩადებული? არა მგონია, რომ ეს ჩვენი ქვეყნის რეალობისთვის მართებული იყოს. თუ საპარლამენტო მმართველობაზე ვსაუბრობთ, მაშინ პრეზიდენტის ფუნქციები განსაზღვრული უნდა იყოს. აქ არ უნდა იყოს საუბარი, რომ მაინცდამიანც ანტაგონისტური სტრუქტრურები უნდა არსებობდეს. პრეზიდენტმა კანონის უზენაესობით უნდა ხელმძღვანელობდეს და შემფასებელი ყველაფრის მაინც საზოგადოებაა. თუ პრეზიდენტს პარლამენტი აირჩევს, მისი ფუნქციები უნდა იყოს განსაზღვრული. დღეს პრეზიდენტს ბევრი ფუნქცია და ვალდებულებები აქვს გადაწყვეტილების მიღებისას. ბევრ საკითხზე გუნდური გადაწყვეიტლება არ მიიღება და გაუგებრობები აღარ უნდა მოხდეს. თუმცა, ეს არ ნიშნავს, რომ ჩემი და თუნდაც, ივანიშვილის მოსაზრება საბოლოოა. ამ საკითხზე უნდა ჩამოყალიბდნენ კონსტიტუციონალისტები, პარლამენტის წევრები, არასმათავრობო ორგანიზაციები და ა.შ.“, - განაცხადა გია ვოლსკიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს