საქართველოს პრეზიდენტის სასახლეში დღეს რწმუნებათა სიგელების გადაცემის ცერემონია გაიმართა. სახელმწიფოს მეთაურს რწმუნებათა სიგელები ისრაელისახლადდანიშნულმა საგანგებო და სრულუფლებიანმა ელჩმა შაბთაი ცურიმ გადასცა.

რწმუნებათა სიგელების გადაცემის ოფიციალური ცერემონიის დასრულების შემდეგ მხარეებს შორის შეხვედრა გაიმართა.

შეხვედრისას ქვეყნებს შორის არსებულ მეგობრულ, კულტურულ ურთიერთობებზე ისაუბრეს და ეკონომიკური, მათ შორის ბიზნეს-სავაჭრო თანამშრომლობის განვითარებისპერსპექტივა განიხილეს.

მხარეებმა ხაზი გაუსვეს საქართველო-ისრაელს შორის უმაღლესი და მაღალი დონის ვიზიტების ურთიერთგაცვლისა და საერთაშორისო ასპარეზზე ორი ქვეყნისპარტნიორული თანამშრომლობის მნიშვნელობასაც.

თავის მხრივ, შაბთაი ცურიმ კიდევ ერთხელ, დაადასტურა საქართველოს ტერიტორიული მთლიანობისა და სუვერენიტეტის, ასევე არაღიარების პოლიტიკის ურყევიმხარდაჭერა. ისრაელის ახლადდანიშნულმა ელჩმა გამოთქვა მზაობა, მაქსიმალურად შეუწყოს ხელი ორ ქვეყანას შორის არსებული ურთიერთობების შემდგომ განვითარებას.

გიორგი მარგველაშვილმა დიპლომატს შემდგომ საქმიანობაში წარმატებები უსურვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე