ყოფილი პრემიერ-მინისტრი ბიძინა ივანიშვილი დემურ სტურუას  თვითმკვლელობის ფაქტს გამოეხმაურა და გარდაცვლილის ოჯახს მიუსამძიმრა.

როგორც ივანიშვილმა აღნიშნა, სამართლდამცავი ორგანოები თანმიმდევრულად მოქმედებდნენ.

„დემურ სტურუას ოჯახს სამძიმარს ვუცხადებ, რა თქმა უნდა ტრაგიკული შემთხვევაა. რაც შეეხება სამართალდამცავ ორგანოებს, მგონია, რომ თანმიმდევრულები იყვნენ. არ შეიძლება პოლიციამ თანამშრომელი პირველსავე ჭორებზე დააპატიმროს. საუბედუროდ სანამ თანმიმდევრობით ვითარდებოდა პროცედურა, სამწუხაროდ დამნაშავემ მოასწრო მიმალვა. გარწმუნებთ, რომ ძიება გაგრძელდება და დამნაშავე შესატყვისს მიიღებს. რეფორმები რა თქმა უნდა სამართალდამცავ ორგანოებში უნდა გატარდეს. რაც გაკეთდა კარგი იყო თუმცა არასაკმარისი. მოხდა დიამეტრალური ცვლილებები, მას შემდეგ რაც წინა ხელისუფლების დროინდელი სამართალდამცავები მოსახლეობაზე ძალადობდნენ. დღევანდელი პოლიცია ჩვენი სახალხო პოლიციაა და მადლობა უნდა გადავიხადოთ მათ. ნუ გავავრცელებთ ინფორმაციას ისე, რომ მთლიანად პოლიცია დავთრგუნოთ. მინისტრიც, მთავრობაც მოწოდებულია, რომ პოლიცია იყოს ხალხის გვერდში. შეგახსენებთ, კვლევებს საქართველო "ნაციონალური მოძრაობის" დროს შედიოდა 70 ყველაზე მაფიოზურ სახელმწიფოებში, აღნიშნულ კვლევებს აკეთებს მსოფლიო ბანკი. დღეს, საქართველო არის მე-17 ადგილზე უსაფრთხო ქვეყნების სიაში“,-განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე