დღეს, აჭარის ავტონომიური რესპუბლიკის მთავრობის სხდომა გაიმართა, რომელზეც განსახილველად გამოტანილი იყო 12 საკითხი. 

მთავრობის სხდომა აჭარის ა.რ მთავრობის თავმჯდომარემ ზურაბ პატარაძემ გახსნა და რეგიონისათვის მნიშვნელოვანი მიმდინარე საკითხების მიმოხილვის შემდეგ სიტყვა აჭარის ა.რ სოფლის მეურნეობის მინისტრს ლაშა კომახიძეს გადასცა. სოფლის მეურნეობის მინისტრმა „აჭარის ავტონომიური რესპუბლიკის სოფლად განვითარების რეგიონული სტრატეგიის შემმუშავებელი საბჭოს შექმნის შესახებ" ისაუბრა, რომელსაც უმნიშვნელოვანესი როლი ეკისრება რეგიონში საერთაშორისო პროექტების (EMPARD 2 – სოფლისა და სოფლის მეურნეობის განვითარების პროგრამა) წარმატებით განხორციელების საქმეში. საბჭოს აჭარის ავტონომიური რესპუბლიკის მთავრობის თავმჯდომარე ზურაბ პატარაძე უხელმძღვანელებს. ცვლილების თანახმად კომისიის შემადგენლობაში სოფლის მეურნეობის მინისტრი ლაშა კომახიძე და ფინანსთა და ეკონომიკის მინისტრი რამაზ ბოლქვაძე დაემატება. ასევე გაიზარდა სააბჭოს მიზნები და ამოცანები.

შემდეგი მომხსენებელი იყო აჭარის ა.რ ფინანსთა და ეკონომიკის მინისტრი რამაზ ბოლქვაძე, რომელმაც რეგიონში უკვე მიმდინარე საინვესტიციო საქმიანობის ხელშესაწყობად რიგი ღონისძიებების განხორციელების შესახებ ისაუბრა. 

„ახალციხე-ბათუმის" 220 კილოვატიანი ორჯაჭვა ელექტროგადამცემი ხაზის მშენებლობის პროექტთან დაკავშირებით ადგილობრივ მუნიციპალიტეტებში განსახორციელებელ ღონისძიებებზე ისაუბრეს ხელვაჩაურისა და შუახევის მუნიციპალიტეტების გამგებლებმა ნადიმ ვარშანიძემ და ტარიელ ებრალიძემ.

დღევანდელ სხდომაზე ხულოს მუნიციპალიტეტის გამგეობას მიეცა თანხმობა, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, კურორტ ბეშუმში შიდა გზების სარეაბილიტაციო სამუშაოების და სოფელ ვერნებში საბავშვო ბაღის ეზოს კეთილმოწყობითი სამუშაოების გამარტივებული ელექტრონული ტენდერის საშუალებით შესყიდვის შესახებ. 

დღესვე, მთავრობის სხდომაზე განხილულ იქნა ისეთი საკითხები, როგორიცაა სსიპ „აჭარის სატყეო სააგენტოსათვის" თანხმობის მინიჭება ელექტრონული აუქციონის ფორმით მერქნული რესურსის გაცემასთან დაკავშირებით და სხვა მიმდინარე საკითხები.

(NS)
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია