დონბასში 2014 წელს შეიარაღებული კონფლიქტის დაწყებიდან საბრძოლო მოქმედებებში მონაწილეობა 300 ათასამდე უკრანელმა მიიღო, 2500-ზე მეტი ჯარისკაცი კი დაიღუპა, - ამის შესახებ უკრაინის პრეზიდენტმა პეტრო პოროშენკომ კიევში უკრაინის დამოუკიდებლობის 25-ე წლისთავისადმი მიძღვნილ სამხედრო აღლუმზე განაცხადა.

პოროშენკოს თქმით, მტერმა ვერც ერთი სტრატეგიული ამოცანის განხორციელება ვერ შეძლო. 

“ორწლიანი ომის გადახედვისას შესაძლებელია მტკიცედ ვთქვათ, რომ მტერმა ვერ შეძლო ვერც ერთი სტრატეგიული ამოცანის განხორციელება, ვერ დააჩოქა უკრაინა. ამისთვის ჩვენი 2504 მეომარი დაიღუპა”, - განაცხადა პეტრო პოროსენკომ.

უკრაინის პრეზიდენტის თქმით, 2016 წელს შეიარაღებულ ძალებში საკონტარქტო სამსახურში 46 ათასი მოქალაქე ჩაერთო, წლის ბოლომდე ხელისუფლება კიდევ 20 ათას სამხედროს ელის. როგორც პოროშენკომ აღნიშნა, ამჟამად უკრაინის შეიარაღებულ ძალებში სამხედრო მოსამსახურეების საერთო რაოდნეობის სამი-მეოთხედი კონტრაქტორია. ამას გარდა, შეიქმნა სამხედრო რეზერვი, რომელშიც 80 ათასზე მეტი ადამიანი შევიდა.

ცნობისთვის, 2014 წლის აპრილიდან აღმოსავლეთ უკრაინაში კონფლიქტს სულ 9500-ზე მეტი ადამიანი ემსხვერპლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FIFA-მ შესაძლოა, IOC-ის გადაწყვეტილების შემდეგ, რუსეთის გუნდების აკრძალვა მოხსნას

ზიდანი დაბრუნდა! მსოფლიო ფეხბურთის ლეგენდამ საფრანგეთის ეროვნული ნაკრები ჩაიბარა.

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა