2016-08-21 14:44:16, 793 ნახვა
პოლიტიკა
პრემიერი: მსოფლიო თანამეგობრობის ძალისხმევით, ტერორიზმის დასამარცხებლად ყველაფერი გაკეთდება
საქართველოს პრემიერ-მინისტრი გიორგი კვირიკაშვილი ქალაქ გაზიანთეფში მომხდარი ტერაქტის გამო, მწუხარებას გამოვთქვამს.
"ამ წარმოუდგენელ სისასტიკეს რამდენიმე ათეული ადამიანის სიცოცხლე ემსხვერპლა.
საქართველოს მთავრობისა და ქართველი ხალხის სახელით თანაგრძნობას ვუცხადებ დაღუპულთა ოჯახებს, თურქეთის მთავრობას, თურქ ხალხს.
ჩვენ ვგმობთ ტერორიზმს - საუკუნის ბოროტებას, რომელიც ემუქრება მშვიდობისმოყვარე ხალხებს მთელ მსოფლიოში. ჩვენ მთლიანად ვაცნობიერებთ ცივილიზებული სამყაროს წინაშე მდგარ ამ უდიდეს გამოწვევას. გვჯერა, რომ მსოფლიო თანამეგობრობის ძალისხმევით ყველაფერი გაკეთდება მის დასამარცხებლად",-ნათქვამია პრემიერის სამძიმრის წერილში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
