2016-08-01 11:51:08, 1755 ნახვა
მსოფლიო
ერევანში, შეიარაღებული პირები პოლიციას ჩაბარდნენ
ერევანში დაჯგუფება „სასნა წრერ“-ის ყველა წევრი დაკავებულია.
სომხეთის ეროვნული უშიშროების სამსახურის ინფორმაციით, სამართალდამცველებმა ანტიტერორისტული ოპერაცია ჩაატარეს და ერევანის პოლიციის განყოფილების შენობა გაათავისუფლეს, რომელშიც შეიარაღებული ჯგუფი იყო გამაგრებული. დაკავებულია „სასნა წრერ“-ის 20 წევრი.
როგორც თავად „სასნა წრერ“-ის წევრების განცხადებაშია აღნიშნული, იარაღი სისხლისღვრის აცილების მიზნით, ნებაყოფლობით დაყარეს.
შეგახსენებთ, შეიარაღებულმა ჯგუფმა ერევნის პოლიციის განყოფილების შენობა 17 ივლისს დაიკავა. ის ოპოზიციონერი პოლიტიკოსის ჟირაირ სეფილიანის გათავისუფლებას და სომხეთის პრეზიდენტის, სერჟ სარგსიანის გადადგომას ითხოვდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
