საკონსტიტუციო სასამართლოს თავმჯდომარე გიორგი პაპუაშვილს დღეს, მთავარ პროკურატურაში ელოდებიან.

როგორც „ექსპრესნიუსს“ მთავარი პროკურატურის საზოგადოებასთან ურთიერთობის სამსახურში განუცხადეს, პაპუაშვილი უწყებაში მოწმის სახით გამოსაკითხად  13:00 საათზეა დაბარებული.

თუმცა, გიორგი პაპუაშვილი აცხადებს, რომ პროკურატურაში მისვლას იქამდე არ აპირებს, სანამ საქართველოს პრემიერ-მინისტრს არ შეხვდება.

„დღემდე ველოდები პრემიერთან შეხვედრას და იმედია,  ეს შეხვედრა შედგება. პოლიტიკურმა ხელმძღვანელობამ უნდა აიღოს პასუხისმგებლობა, რომ კითხვითი ნიშნები არ გაჩნდეს გამოძიებასთან, რომელთან უნდობლობის დიდი საფუძველი გვაქვს ბოლო თვეების განმავლობაში. ამის ნაცვლად პროკურატურამ შტურმით აიღო მოსამართლეების სახლები და სამუშაო ადგილები,ზოგს ერთი საათით ადრე იბარებდნენ, გამოცხადებულიყვნენ დაკითხვაზე, წინააღმდეგ შემთხვევაში სისხლის სამართლის საქმის აღიძვრით ემუქრებოდნენ“, - განაცხადა პაპუაშვილმა. 

შეგახსენებთ, რამდენიმე დღის წინ  საკონტიტუციო სასამართლოს თავმჯდომარემ განაცხადა, რომ კონკრეტულ მოსამართლეებზე მიზანმიმართული ზეწოლა მიმდინარეობს.

პროკურატურამ პაპუაშვილის განცხადებაში მითითებულ ფაქტებზე გამოძიება უკვე დაიწყო. გამოძიება ასევე დაწყებულია პრეზიდენტ გიორგი მარგველაშვილის განცხადებასთან დაკავშირებით, რომლის თანახმადაც, ზეწოლის მცდელობა მისი ოჯახის წევრზეც იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა