ექსპერტის პოლიტიკის საკითხებში გია ხუხაშვილის განცხადებით, მას შემდეგ, რაც საკონსტიტუციო სასამართლოს თავმჯდომარის განცხადებას სამართალდამცავების მხრიდან რეაგირება არ მოყვა, პრეზიდენტი იძულებული გახდა ეს განცხადება გაეკეთებინა.

როგორც ხუხაშვილმა „ექსპრესნიუსს“ განუცხადა, გიორგი მარგველაშვილის დღევანდელი განცხადება აბსოლუტურად კორექტული იყო.

„პრეზიდენტის განცხადება აბსოლუტურად კორექტულია. მან ცალსახად თქვა, რომ ამ საქმეში ხელისუფლების ბრალეულობაზე არ ფიქრობს. პრინციპში, ხელისუფლების ხელმძღვანელობას მოუწოდა, რომ ამ თემაზე მოილაპარაკონ. ვფიქრობ, მარგველაშვილის განცხადება იძულებითი იყო. მას შემდეგ, რაც საკონსტიტუციო სასამართლოს თავმჯდომარის განცხადებაზე სამართალდამცავებმა ავტომატურად არ აღძრეს საქმე, გარკვეულწილად უცნაური ვითარება მივიღეთ. ხელისუფლების მხრიდან ამ ინფორმაციის უაპელაციო უარყოფა მოხდა. იმის და მიუხედავად პაპუაშვილი მართალს ამბობს თუ არა, საქმე ყველა ვარიანტში უნდა აღძრულიყო. საქმე არ აღიძრა და ბუნებრივია კითხვები გაჩნდა. ხელისუფლებას უნდა ესმოდეს, რომ ის ჩვეულებრივი მოქალაქეებისგან გასხვავებით, უდანაშაულობის პრეზუმციით ვერ სარგებლობს. მისი მოვალეობაა ამტკიცოს, რომ სხვა პროცესებს არ აქვს ადგილი“, - აცხადებს ხუხაშვილი.

შეგახსენებთ, რომ საქართველოს პრეზიდენტმა გიორგი მარგველაშვილმა, საკონსტიტუცციო სასამართლოს თავმჯდომარესთან გიორგი პაპუაშვილთან შეხვედრის შემდეგ, ბრიფინგი გამართა.

როგორც ბრიფინგზე პრეზიდენტმა განაცხადა, პაპუაშვილის მიერ მიწოდებულ ფაქტებს მოსამართლეებზე ზეწოლის შესახებ, ის არ გაუოცებია. მარგველაშვილის თქმით, ზეწოლის მცდელობა მისი ოჯახის წევრზეც იყო .

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ