სირიაში ავიადარტყმის შედეგად, 56 ადამიანი გარდაიცავალა, მათ შორის 11 ბავშვი

2016-07-20 11:16:14, 1780 ნახვა

მსოფლიო

სირიის ჩრდილოეთ ნაწილში მდებარე ქალაქ მანბიჯში ავიადარტყმის შედეგად 56 მშვიდობიანი მოქალაქე დაიღუპა, - ამის შესახებ ინფორმაციას სააგენტო Reuters სირიის ადამიანის უფლებათა მონიტორინგის ცენტრზე დაყრდნობით ავრცელებს.

მედია საშუალების ცნობით, გარდაცვლილთა შორის 11 ბავშვია.

როგორც უფლებადამცველ ორგანიზაციაში აცხადებენ, საჰაერო დარტყმები აშშ-ის ხელმძღვანელობით მოქმედმა საერთაშორისო კოალიციამ განახორციელა.

ქალაქი მანბიჯი “ისლამურ სახელმწიფოს” აქვს დაკავებული. მშვიდობიან მოქალაქეებს ცეცხლი მაშინ გაუხსნეს, როდესაც ისინი ალეპოს პროვინციის ქალაქ ალ-ტუხარში ცდილობდნენ გაქცევას.

კოალიციის წარმომადგენლები ადასტურებენ, რომ მანბიჯის მახლობლად ავიადარტყმები განახორციელეს და ამბობენ, რომ მშვიდობიანი მცხოვრებლების დაღუპვის შესახებ ინფორმაციას ამოწმებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან