საქართველოს პრეზიდენტი, დღეს, ბათუმში, საკონსტიტუციო სასამართლოს თავმჯდომარეს გიორგი პაპუაშვილსა და მოსამართლეებს შეხვდა.

ქვეყნის პირველმა პირმა კიდევ ერთხელ დაადასტურა საკონსტიტუციო ინსტიტუტის მიმართ პატივისცემა და აღნიშნა, რომ საკონსტიტუციო სასამართლო ყოველთვის უმნიშვნელოვანეს როლს ასრულებდა ჩვენი სახელმწიფოს სამართლებრივი და დემოკრატიული ფუნქციონირებისათვის.

„ყოველთვის, როდესაც ვარ ბათუმში მოვდივარ საკონსტიტუციო სასამართლოში, რომ დავადასტურო ჩემი პატივისცემა ამ უმნიშვნელოვანესი საკონსტიტუციო ინსტიტუტის მიმართ.

საკონსტიტუციო სასამართლო ყოველთვის ასრულებდა და ასრულებს უმნიშვნელოვანეს როლს ჩვენი სახელმწიფოს სამართლებრივი და დემოკრატიული ფუნქციონირების თვალსაზრისით. ეს არის უმნიშვნელოვანესი ორგანო არა მარტო საქართველოს მსგავსი ახალი დემოკრატიებისთვის, არამედ დღეს, ტრადიციული ევროპაც საკონსტიტუციო სასამართლოს პოზიციებიდან გამომდინარე ავითარებს თავის დემოკრატიულ სისტემას.

გამოვხატე ჩემი მხარდაჭერა მოსამართლეებისადმი. დარწმუნებული ვარ, რომ უმნიშვნელოვანეს სახელმწიფოებრივ გადაწყვეტილებებს ისინი საკუთარი შინაგანი რწმენისა და სამართლის შესაბამისად მიიღებენ.

გამომდინარე იქიდან, რომ რამოდენიმე კვირისა თუ თვის წინ, საკონსტიტუციო სასამართლოს თავმჯდომარემ დააფიქსირა საკუთარი წუხილი და პოზიცია იმასთან დაკავშირებით, რომ გარკვეული ზეწოლის მცდელობას ჰქონდა ადგილი, მე კიდევ ერთხელ დავუდასტურე საკონსტიტუციო სასამართლოს მოსამართლეებს ჩემი მხარდაჭერა და მჯერა, რომ ისინი გადაწყვეტილებებს მხოლოდ საკუთარი რწმენის საფუძველზე მიიღებენ", - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა