"ქართული ოცნების" განახლებული გუნდის წევრის თამარ ჩუგოშვილის განცხადებით, ის დემოკრატიული რეფორმებისა და ადამიანის უფლებების დაცვის საკითხებზე იმუშავებს.

როგორც ჩუგოშვილმა ჟურნალისტებს განუცხადა, პარტიის გუნდის წევრობაზე შეთავაზება პრემიერ-მინისტრისგან მიიღო:

"ჩემი ძირითადი გამოცდილება არის პოლიტიკის შემუშავება სწორედ დემოკრატიული რეფორმების და ადამიანების უფლებების დაცვის საკითხებში. შესაბამისად, ვიმუშავებ ძირითად ამ საკითხებზე, რაც შეეხება დემოკრატიული რეფორმების გაჟღღერებას, გაძლიერებას და  კიდევ უფრო გამყარებას",-განაცხადა თამარ ჩუგოშვილმა.

მისივე თქმით, ჯერჯერობით უცნობია, საარჩევნო სიის რომელი ნომერი იქნება:

"ნაადრევია სიაზე საუბარი. ჯერჯერობით არაა ეს გადაწყვეტილება მიღებული. შემოთავაზება პრემიერ-მინისტრისგან მივიღე. არანაირი პრობლემა, წინააღმდეგობა არ მიგვრძნია, მხოლოდ ვიგრძენი მხარდაჭერა და ის, რომ გუნდი არის ერთიანი.დაახლოებით ერთი კვირაა, უკვე ვმუშაობ პარტია "ქართული ოცნების" ოფისის საერთაშორისო ურთიერთობის დეპარტამენტის ხელმძღვანელად და  მხოლოდ თანამშრომლობა და მხარდაჭერა ვიგრძენი",-გაცხადა თამარ ჩუგოშვილმა.

„ქართული ოცნება-დემოკრატიული საქართველოს" განახლებული გუნდის შემადგენლობაში  თამარ ჩუგოშვილი, გიორგი გახარია, ირაკლი კობახიძე, აკაკი ზოიძე, არჩილ თალაკვაძე, თამარ ხულორდავა, ირინა ფრუიძე, კახა კუჭავა, მამუკა მდინარაძე, მარიამ ჯაში, ნინო გოგუაძე, რომან კაკულია, სოფო კილაძე, სოფო  ქაცარავა და სოფო ჯაფარიძე არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა