ექსპერტი პოლიტიკის საკითხებში გია ხუხაშვილი მიიჩნევს, რომ „ქართულმა ოცნებამ" შეცდომა დაუშვა, როდესაც ახალი სახეები არჩევნებამდე 3 თვით ადრე წარადგინა.

როგორც "ექსპრენიუსს" ხუხაშვილმა განუცხადა, ახალ სახეების მოყვანა პარტიაში დაძაბულობას გაზრდის, რადგან არ შეიძლება „4 წელი აშენებდე პარტიას და არჩევნებამდე 3 თვით ადრე  პარტიის წევრებს ახალი სახეები თავზე დაასვა“.

„პოლიტიკაში ასე არ ხდება, რომ არჩევნებამდე 2 თვით ადრე 4 წლით ნაშენებ პარტიაში ახალი საახები მოიყვანო და სხვა წევრებს თავზე დაასვა. ეს პროცესი თვითონ პარტიაში იწვევს დაძაბულობას. გარდა ამისა, ამ ადამიანებს არ აქვთ საჭირო გამოცდილება. პირდაპირ საარჩვნო პროცესში რომ მოგყავს ადამიანები, რომელთაც არ აქვთ არც ცნობადობა და საჯარო სივრცეში კომუნიკაციის გამოცდილება, ეს ადამიანები დგებიან დიდი გამოცდის წინაშე და წარუმატებლობის რისკი მაღალია. თუ, მაგალითად, იმავე "ნაციონალური მოძრაობის" ათეულსა და "ოცნების" ახალ სახეებს შევადარებთ, "ნაციონალური მოძრაობის" ათეული დებატებსა და საჯარო სივრცეში კომუნიკაციის თვალსაზრისით, საგრძნობ უპირატესობას ფლობს. თუ ახალი სახეების წარდგენა უნდოდა მმართველ გუნდს, გაეკეთებინა ეს 6-7 თვით ადრე. რბილად რომ ვთქვათ, რომ ეს არის "ოცნების" პოლიტტექნოლოგიური შეცდომა", - განაცხადა ხუხაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა