განათლებისა და მეცნიერების მინისტრის  ალექსანდრე ჯეჯელავას განცხადებით,  მასწავლებლების განვითარების სქემით გათვალისწინებულმა ვიდეოგაკვეთილებმა მასწავლებლების უკმაყოფილება გამოიწვია, რის გამოც ის სავალდებულო აღარ იქნება და შესაბამისი ალტერნატივა გაჩნდება.

ამის შესახებ ჯეჯელავამ მთავრობის დღევანდელ სხდომაზე განაცხადა.

"მასწავლებლების განვითარების სქემები ბოლო პერიოდში ინერგება. ეს არის ძალიან პროგრესული, დასავლურ სტანდარტებზე, კრედიტებზე აგებული სქემა. ამ სქემის პირველი საპილოტო ეტაპი დასრულდა. კვლევამ გამოავლინა, რომ მასწავლებლები ძირითადად მხარს უჭერენ ამ სქემას. მეორე მხრივ გამოვლინდა ხარვეზები, და ერთ-ერთი მთავარი უკმაყოფილების წყარო იყო ვიდეოგაკვეთილების კომპონენტი, რომელიც ძალიან რთულად და არაშესაფერისად ჩათვალეს მასწავლებლებმა.

მინდა ვთქვა, რომ სხვა ცვლილებებთან ერთად, ეს ვიდეოგაკვეთილები სავალდებულო აღარ იქნება. ამაზე ჩვენ გვქონდა კონსულტაცია მასწავლებლებლების პროფესიულ კავშირთანაც, ჩვენს სამსახურებთან, გავაჩენთ ალტერნატივას, ანუ არ ვაუქმებთ, თუმცა ეს იქნება ნებაყოფლობითი, ანუ ალტერნატივა გაჩნდება.

ამის შედეგად ჩვენ მოველით, რომ გაცილებით მეტი მასწავლებელი იქნება მოტივირებული იქნება, რომ პროფესიული მომზადების შემდეგ საფეხურზე გადავიდეს, გაცილებით უფრო ხარისხიანი გაკვეთილები ჩაატაროს და განათლება მისცეს ჩვენ მოსწავლეებს. ვფიქრობ, რომ ეს სქემა თავად წინ გადადგმული ნაბიჯია და კონკრეტულად ის ცვლილებები რაც ახლა შედის, იქნება პოზიტიური ამ სისიტემის შემდგომი სწრაფი განვითარებისთვის", - აღნიშნა ალექსანდრე  ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა