ლატვიის საგარეო საქმეთა მინისტრის ედგარს რინკევიჩსის განცხადებით, საქართველოს გზა ნატო-სკენ შეუქცევადია, - ამის შესახებ ლატვიის საგარეო უწყების პრესსამსახურის მიერ გავრცელებულ განცხადებაშია ნათქვამი.

მინისტრის თქმით, საქართველომ ევროპული და ევროატლანტიკური ინტეგრაციის გზაზე ბევრს მიაღწია და სხვა კანდიდატ ქვეყნებს მაგალითი აჩვენა

“მნიშვნელოვანია დაწყებული რეფორმების გაგრძელება. მომავალი საპარლამენტო არჩევნები უნდა გახდეს საქართველოს დემოკრატიის სიმწიფის მორიგი მტიცებულება. მიგვაჩნია, რომ რეფორმების ეფექტიანობისკენ მიმართული საქართველოს ძალისხმევა იმსახურებს აღიარებას. ლატვიას მიაჩნია, რომ საქართველოს ნატო-სკენ გზა შეუქცევადია”, - განაცხადა ედგარს რინკევიჩსმა. 

ლატვიის საგარეო საქმეთა სამინისტროს ცნობით, რინკევიჩსმა ვარშავის სამიტის ფარგლებში ნატო-საქართველოს კომისიის სხდომაში მონაწილეობა მიიღო. როგორც საგარეო უწყების განცხადებაშია აღნიშნილი, სესიაზე საგარეო საქმეთა მინისტრებმა ნატო-საქართველოს ურთიერთობები განიხილეს, ნატო-საქართველოს ყოვლისმომცველი პაკეტის განხორციელების შესახებ ანგარიში დაამტკიცეს. სხდომის მონაწილეები მიესალმნენ საქართველოს მიღწევებს და განიხილეს ქვეყნის თავდაცვისუნარიანობის გაძლიერების გზები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა