წულუკიანი: მე, როგორც იუსტიციის მინისტრი, აჰმედ ჩატაევის გათავისუფლების წინააღმდეგი ვიყავი

2016-06-30 20:21:24, 610 ნახვა

პოლიტიკა

2012 წელს, როდესაც აჰმედ ჩატაევი გაათავისუფლეს, მე, როგორც იუსტიციის მინისტრი, ამის წინააღმდეგი ვიყავი, - ასე გამოეხმაურა საქართველოს იუსტიციის მინისტრი თეა წულუკიანი გავრცელებულ ინფორმაციას, თითქოს აჰმედ ჩატაევი ათათურქის აეროპორტში მომხდარი აფეთქების ორგანიზატორია.

მინისტრის თქმით, ასეთი პატიმრების გათავისუფლებისას პროკურატურას უფრო მეტი ყურადღება უნდა გამოეჩინა

„მე ვემხრობოდი იმ აზრს, რომ ასეთი პატიმრების გათავისუფლებისას პროკურატურას უფრო მეტი ყურადღება უნდა გამოეჩინა. იმ დროს პროკურატურა ახალი გათავისუფლებული იყო ადეიშვილის პოლიტიკისა და წნეხისგან და არჩილ კბილაშილის მმართველობის დროს არის ეს მომხდარი.

ასეა თუ ისე, ეს არის წარსული, ახლა ჩვენ უნდა ვიმუშაოთ ყველამ ერთად, მათ შორის თურქეთის სახელმწიფოსთან, კიდევ უფრო აქტიურად, რომ ამგავრი აქტები აღარ განმეორდეს“, - განაცხადა წულუკიანმა.

შეგახსენებთ, თურქული გამოცემა Yeni Safak-ის ინფორმაციით, სტამბოლის ტერაქტის სავარაუდო ორგანიზატორი აჰმედ ჩატაევია, თუმცა სააგენტო აღნიშნავს, რომ თურქეთის ხელისუფლება ტერაქტთან ჩატაევის კავშირს არ ადასტურებს.

ცნობისთვის, აჰმედ ჩატაევი 2012 წლის აგვისტოში საქართველოში, ლაფანყურის ოპერაციის დროს დააკავეს. 2012 წლის დეკემბერში თბლისის სასამართლომ ჩატაევს პატიმრობა გირაოთი შეუცვალა.

თურქული მედიის ინფორმაციით, 2013 წელს აჰმეთ ჩატაევი ექსტრეისტულ დაჯგუფება “ისლმაურ სახელმწიფოს” შეუერთდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან