კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლის, ჯეიმს აპატურაის განცხადებით, ნატო-ს წევრობა პოლიტიკური გადაწყვეტილებაა და მხოლოდ საქართველოს შეიარაღებულ ძალებსა და რეფორმებზე დამოკიდებული არ არის.

როგორც აპატურაიმ საზოგადოებრივ მაუწყებელთან ინტერვიუში განაცხადა, საჭიროა პაკეტის გაძლიერებაზე მუშაობა, რათა დაჩქარდეს ის მომენტი, როდესაც საქართველოს ნატო-ს წევრობისთვის მზად იქნება.

„ჩვენ უნდა ვიმუშაოთ პაკეტის გაძლიერებაზე იმისათვის, რომ დავაჩქაროთ ის მომენტი, როდესაც საქართველო წევრობისთვის მზად იქნება. ალიანსის წევრობა, ეს არის პოლიტიკური გადაწყვეტილება და არ არის მხოლოდ საქართველოს შეიარაღებული ძალების მზადყოფნაზე დამოკიდებული. ჩვენ ახლა უნდა გავაკეთოთ ის, რისი გაკეთებაც შეგვიძლია, რისი გაკონრტოლების უნარიც გვაქვს“, - აღნიშნა აპატურაიმ.

მან ასევე აღნიშნა, რომ ვარშავის სამიტის ენა საქართველოსთან მიმართებაში იგივე იქნება, რაზეც დეკემბრის მინისტერიალზე მოხდა შეთანხმება.

„ენა, რომელზეც შევთანხმდით, დეკემბერში იქნება ვარშავაშიც იგივე. ეს არის პოლიტიკური რელაობა. არ არის კონსენსუსი განცხადების შინაარსის შეცვლაზე. მას შემდეგ დიდად არ შეცვლილა, არც გეოპოლიტიკური სიტუაცია, რომელსაც შეიძლება კონსენსუსზე ემოქმედა“, - განაცხადა ჯეიმს აპატურაიმ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში