„შსს-მ აქციის დაშლის მიზეზად დაასახელა ის, რომ საკრებულოს ტერიტორიისკენ მოდის სასულიერო პირებისა და მრევლის დიდი აქცია“, -  ამის შესახებ „პარტიზანული მებაღეების“ ხელმძღვანელმა ნატა ფერაძემ განაცხადა.

როგორც ფერაძემ აღნიშნა, მათი აქციის დაშლა უკანონოდ ხდება და შსს-გან არარგუმენტებს ითხოვენ.

„შსს-ს თქმით, შესაძლოა მოხდეს დაპირისპირება, თუმცა რა არგუმენტი აქვთ რომ დაპირისპირება მოხდება, ეს არ ვიცი. საკრებულოს ტერიტორიიდან იმ არგუმენტით გადაგვწიეს, რომ ჩვენი უსაფრთხოებისთვის იქ დგომა შესაძლოა საშიში იყოს.

როგორც საპატრულო პოლიციის წარმომადგენელმა გვითხრა, როდესაც აქცია-მსვლელობა თავისუფლების მოედანზე ჩაივლის აქციის მონაწილეებს საკრებულოს ტერიტორიაზე დაბრუნების შესაძლებლობა მიეცემათ“, - განაცხადა ფერაძემ.

როგორც „პარტიზანული მებაღეების“ ხელმძღვანელმა გვითხრა, აქციაში მონაწილეობის მსურველები საკრებულოს მიმდებარე ტერიტორიაზე აქციას შეემატებიან და მათი დროული აქციაში ჩართვა გადაკეტილი გზების გამო ვერ მოხერხდა.

ცნობისთვის, „პარტიზანული მებაღეები“ „პანორამა თბილისის“ აშენებას აპროტესტებენ. აქციაზე დაახლოებით 50 კაცამდეა შეკრებილი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს