„საკონსტიტუციო  სასამართლოს,  როგორც  დამოუკიდებელი და მიუკერძოებელი არბიტრის როლი  უზრუნველყოფილი უნდა იყოს“,-ამის შესახებ  ევროსაბჭოს საპარალამენტო ასამბლეის თანამომხსენებლების  განცხადებაშია აღნიშნული.

ევროსაბჭოს საპარლამენტო ასამბლეის ვებგვერდზე გამოქვეყნებულ განცახდებაში თანამომხსენებლები მიესალმებიან საქართველოს პარლამენტის ადამიანის უფლებათა და სამოქალაქო ინტეგრაციის კომიტეტის მზადყოფნას, ვენეციის კომისიას გაუგზავნოს საქართველოს საკონსტიტუციო სასამართლოსთან დაკავშირებული ცვლილებების პროექტი, ამ ცვლილებების მეორე მოსმენით საქართველოს პარლამენტში განხილვამდე.

„ამან უნდა გააქარწყლოს ყველა შიში იმასთან დაკავშირებით, რომ ცვლილებების დამტკიცების შემთხვევაში, შესაძლოა, ხელი შეეშალოს საქართველოში საკონსტიტუციო სასამართლოს ეფექტიან ფუნქციონირებას. უნდა იყოს უზრუნველყოფილი საკონსტიტუციო სასამართლოს, როგორც დამოუკიდებელი და მიუკერძოებელი არბიტრის, მნიშვნელოვანი როლი . შეფასებისათვის უახლოეს დღეებში მიმართვის შემთხვევაში, ვენეციის კომისია შეძლებს საკითხის ივნისის პლენარულ სესიაზე განხილვას, რაც მისცემს საშუალებას პარლამენტს, გაითვალისწინოს ვენეციის კომისიის რეკომენდაციები ცვლილებების საბოლოო მოსმენით დამტკიცებისას მიმდინარე საპარლამენტო სესიის დასრულებამდე“, - ნათქვამია თანამომხსენებლების განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა