ჩეხეთის რესპუბლიკის პარლამენტის წარმომადგენელთა პალატის თავმჯდომარის იან ჰამაჩეკის  განცხადებით, მისი ვიზიტი საქართველოში ხაზს უსვამს, რომ საქართველო და ჩეხეთი მეგობარი ქვეყნები არიან, რომლებსაც ერთმანეთთან საუკეთესო ურთიერთობა აქვთ.

მისივე თქმით, როცა ჩეხეთში დაბრუნდება არა მხოლოდ ჩეხეთის რესპუბლიკას, არამედ სხვა პარლამენტებიდან კოლეგებსაც  მოუწოდებს, საქართველოსთვის ვიზალიბერალიზაციის საკითხი რაც შეიძლება სწრაფად გადაწყდეს, ვინაიდან მისივე შეფასებით, საქართველომ ყველა კრიტერიუმი დააკმაყოფილა:

„ ჩვენ ჩამოვედით იმისთვის, რომ მხარი დავუჭიროთ საქართველოს ევროპისკენ მიმავალ გზაზე. სიმბოლურია, მაგრამ ჩვენ სწორედ იმ კვირაში ჩამოვედით, როდესაც თქვენ ევროპის დღეებს აღნიშნავთ. ვფიქრობ, გადამწყვეტია, რომ ევროპამ და ევროკავშირმა დაპირებები შეასრულოს. ჩვენ დავპირდით საქართველოს უვიზო რეჟიმის დაწესებას ევროკავშირის ქვეყნებში და ცხადია, ვთხოვეთ საქართველოს, გარკვეული კრიტერიუმები შეესრულებინა. თქვენმა ქვეყანამ ყველა კრიტერიუმი შეასრულა და ახლა ჩვენი ჯერია, შევასრულოთ დაპირება. ასე რომ, შემიძლია გითხრათ, რომ როცა ჩემს ქვეყანაში დავბრუნდებით, მოვუწოდებ არა მხოლოდ ჩეხეთის ხელისუფლებას, არამედ ჩემს კოლეგებს სხვა პარლამენტებიდან და განსაკუთრებით, ევროპარლამენტიდან და ევროსაბჭოდან, რომ ეს საკითხი, რაც შეიძლება, სწრაფად გადაწყდეს. ვერ ვხედავ ვერცერთ მიზეზს, რატომ შეიძლება გადაიდოს საქართველოს საკითხი. თქვენ შეასრულეთ საშინაო დავალება და ახლა ჩვენი დროა შევასრულოთ დანაპირები. მე მხარს ვუჭერ თქვენს მისწრაფებას ნატოსკენ. იცით, რომ ჩეხეთის რესპუბლიკა თქვენი ერთ-ერთი მხარდამჭერია ამ მიმართულებით. ვიმედოვნებთ, რომ ნატოს სამიტიდან საქართველო მნიშვნელოვან პასუხს მიიღებს“,- განაცხადა იან ჰამაჩეკმა საქართველოს პარლამენტის თავმჯდომარე დავით უსუფაშვილთან შეხვედრის შემდეგ გამართულ ერთობლივ პრესკონფერენციაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა