უფლებადამცველმა ორგანიზაციამ Freedom House-მა პრესის თავისუფლების 2016 წლის ინდექსი გამოაქვეყნა. კვლევის თანახმად, საქართველო კვლავ ნახევრად თავისუფალ ქვეყნებს შორის მოხვდა.

რეიტინგში საქართველოს 49 ქულა აქვს მინიჭებული (0 ქულა საუკეთესო შედეგია). ამასთან აღსანიშნავია, რომ იგივე კვლევის თანახმად გასულ წელს საქართველოს 48 ქულა ჰქონდა.

საქართველო კავკასიის რეგიონში ერთადერთი ქვეყანაა, რომლის მედიის მდგომარეობაა ნახევრად თავისუფალია. პრესის თავისუფლების ინდექსის მიხედვით, რუსეთი, თურქეთი, სომხეთი და აზერბაიჯანი არათავისუფალ ქვეყნებად არიან დასახელებული. ასევე, ევრაზიის რეგიონში საქართველო პირველ ადგილზეა.

ცნობისთვის, ყოფილ საბჭოთა რესპუბლიკებს შორის, ნაწილობრივ თავისუფალ ქვეყნებში მოხვდნენ ასევე მოლდოვა და უკრაინა.

როგორც Freedom House-ის მკვლევარები აღნიშნავენ, მსოფლიოში პრესის თავისუფლების დონე ბოლო 12 წლის განმავლობში ყველაზე დაბალია, რაზეც ზეგავლენას ახდენს პოლიტიკა, კრიმინალი და ტერორიზმი.

ყოველწლიურ ანგარიშში ნათქვამია, რომ პრესის თავისუფლებაზე ყველაზე დიდი ზეწოლა ხორციელდება ახლო აღმოსავლეთსა და თურქეთში. აღსანიშნავია, რომ სირია ჟურნალისტებისათვის კვლავ ყველაზე საშიშ ქვეყნად არის დასახელებული.

შეგახსენებთ, რომ 2015 წელს სირიაში 14 ჟურნალისტი მოკლეს. ასევე ანგარშში აღნიშნულია, რომ თურქეთში გასულ წელს სამი სირიელი ჟურნალისტი მოკლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება