იუსტიციის მინისტრმა  გაერო-ს დელეგაცია მიიღო. თეა წულუკიანი გაერო-ს სპეციალურ მომხსენებელ მო დე ბოერ-ბუკიკიოს  შეხვდა. შეხვედრა იუსტიციის სამინისტროში გაიმართა და მას მინისტრის მოადგილე გოჩა ლორთქიფანიძეც ესწრებოდა. მო დე ბოერ-ბუკიკიო გაერო-ს სპეციალური მომხსენებელია ბავშვებით ვაჭრობისა და ბავშვთა პორნოგრაფია-პროსტიტუციის საკითხებში.

სამინისტროს ინფორმაციით, მხარეებმა ტრეფიკინგთან ბრძოლის უწყებათაშორისი საბჭოს ფარგლებში განხორციელებული არასრულწლოვანთა ტრეფიკინგის წინააღმდეგ გატარებული ღონისძიებების შესახებ ისაუბრეს. საბჭოს იუსტიციის მინისტრი ხელმძღვანელობს.

შეხვედრაზე ყურადღება გამახვილდა ქუჩაში მცხოვრები და მომუშავე ბავშვების პრობლემების მოგვარების მიზნით შემუშავებულ საკანონმდებლო პაკეტზე. იუსტიციის მინისტრმა დელეგაციის წევრებს მთავრობის მიერ დამტკიცებული შესაბამისი საკანონმდებლო პაკეტი გააცნო. აღსანიშნავია, რომ დღეს მოქმედი კანონმდებლობით არ არის განსაზღვრული, თუ ვინ მიეკუთვნება ქუჩაში მცხოვრები ბავშვების კატეგორიას. ასეთ ბავშვთა უფლებები სათანადოდ არ არის დაცული, შემოთავაზებული საკანონმდებლო ცვლილებების პაკეტი კი უფრო ქმედითს ხდის ნებისმიერი ძალადობისაგან არასრულწლოვნის დაცვის  მექანიზმებს. საუბარი შეეხო ქვეყნიდან ბავშვების  გაყვანის შეზღუდვის მიზნით შემუშავებულ ცვლილებებსაც.

იუსტიციის მინისტრმა გაერო-ს მომხსენებელს ფონდ „სალვეს“ შესახებაც მიაწოდა ინფორმაცია, რომლის მიზანი ქუჩაში მცხოვრები და მომუშავე ბავშვების  ქუჩისგან განრიდება და მათი კვების დეფიციტის აღმოფხვრის ხელშეწყობა იქნება.

გაერო-ს დელეგაცია საქართველოში 11 აპრილს ჩამოვიდა. დელეგაციის წევრები შეხვდებიან აღმასრულებელი, საკანონმდებლო და სასამართლო ხელისუფლების, არასამთავრობო ორგანიზაციებისა და ბიზნესსექტორის წარმომადგენლებს; სახალხო დამცველს. დელეგაცია ვიზიტის შემაჯამებელ პრესკონფერენციასაც გამართავს და საქართველოს 18 აპრილს დატოვებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია