რატომ ვარ აქ ამდენი თვე - ამ კითხვით მიმართა "სტრატეგია აღმაშენებლის" წევრმა, სასახლის ღობის საქმეზე ბრალდებულმა პაატა მანჯგალაძემ საქმის პროკურორს. 

მანჯგალაძემ სასამართლო პროცესზე თქვა, რომ ათონელის სასახლესთან არც კი ყოფილა. 

ამიხსენით, რით მიმტკიცებთ წარდგენილ ბრალს - ჰკითხა პოლიტიკოსმა პროკურორს. 

რატომ ვარ აქ ამდენი თვეა, მიპასუხოს პროკურორმა. საჯარო სივრცეში რაც ჟღერდებოდა იმის გარდა არაფერი ვიცოდი. ათონელამდე ვერც მივაღწიე ბავშვთან ერთად ვიყავი და მედიას ვეწერებოდი. უბრალოდ ფოტო გადავიღეთ. მეც იურისტი ვარ და ამიხსენით რითი მიმტკიცებთ წარდგენილ ბრალს?- განაცხადა მანჯგალაძემ. 

შეიმუშავეთ სისტემური მიდგომა იმ ბრალდებულების მიმართ, ვინც არაა პოლიტიკოსი - ამ შეთავაზებით მიმართა სასახლის ღობის საქმეზე დაკავებულმა ყოფილმა მთავრმა პროკურორმა, მურთაზ ზოდელავამ სასამართლო პროცესზე ბრალდების მხარეს. 

ზოდელავამ თქვა, რომ ჩვეულებრივი მოქალაქეების მიმართ საჭიროა, რომ კონკრეტული კრიტერიუმების შემუშავდეს. 

შეიმუშავეთ რაიმე სისტემური მიდგომა იმ ბრალდებულების მიმართ ვინც არაა პოლიტიკოსი და არც არასდროს იქნება პოლიტიკაში ჩართული. საყოველთაო ერთიანობაზე რადგან დაიწყო საუაბარი, მე არ მაქვს ლაპარაკი ჩემს თავზე, ნუ შემეხება- ჩვეულებრივი მოქალაქეების მიმართ შემუშავდეს კონკრეტული კრიტერიუმები", - განაცხადა ზოდელავამ. 

უნდა დაინტერესდეთ ამ მოწმეებით, ამ გადაწყვეტილებით, მე საკუთარი თავის დაცვის უფლება შემეზღუდა - ამ სიტყვებით მიმართა სასახლის ღობის საქმეზე დაკავებულმა ირაკლი ჩხვირკიამ მოსამართლეს, რომელაც პროკურატურას შუამდგომლობა დაუკამყოფილა და 100-ზე მეტი მოწმე, რომელთა ნაწილიც ნუსხაში დაცვასაც ჰყავდა, მოხსნა.

დღევანდელი თქვენი გადაწყვეტილებით, მე როგორც ბრალდებულს საკუთარი თავის დაცვის უფლება შემეზღუდა. 2 მოწმეა ვინც ვიდეო მტკიცებულებები დაათვალიერა და ჩემზე წერენ რომ მოვუწოდებდი ხალხს ძალადობისკენ, მე მჭირდებოდა ამ ადამიანების გამოკითხვა. რას დაეყრდნო მაშინ როცა ასეთი აღწერა გაუკეთა ვიდეოს. ამ პირობებში როცა პროკურორმა ასეთი ხალხი არ მოიყვანა და ჩვენც არ გვაძლევთ მათი დაკითხვის უფლებას, ფაქტობრივად ჩემი თანასწორუფლებიანი დაცვის უფლება შეზღუდულია. შეიძლება პროკურორს არ აინტერესებს მაგრამ თქვენ ბატონო მოსამართლე უნდა დაინტერესდეთ წესით ამ ყველაფრით", - განაცხადა ჩხვირკიამ. 

ცნობისთვის, მურთაზ ზოდელავას, პაატა ბურჭულაძეს და ირაკლი ნადირაძეს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით წარედგინათ, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მათ ასევე ბრალი წარდგენილი აქვთ სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს. მათ ბრალი წარდგენილი აქვთ სსსკ-ის 317-ე მუხლითაც, რაც გულისხმობს მოწოდებას საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ, რაც სასჯელის სახედ და ზომად 9- წლამდე თავისუფლების აღკვეთას ითვალისწინებს.

ირაკლი შაიშმელაშვილს ბრალდება საქართველოს სისხლის სამართლის კოდექსის 317-ე მუხლით წარედგინა, რაც გულისხმობს საქვეყნოდ მოწოდებას საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ, რაც სასჯელის სახედ და ზომად 3- წლამდე თავისუფლების აღკვეთას ითვალისწინებს.

ლაშა ბერიძეს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით წარედგინა, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მას ბრალდება ასევე წარდგენილი აქვს სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს.

ირაკლი ჩხვირკიას, ნიკა გვენცაძეს, თორნიკე მჭედლიშვილს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით წარედგინა, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მას ასევე ბრალი წარდგენილი აქვს სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს. აღნიშნული ქმედება სასჯელის ზომად 6-დან 9- წლამდე თავისუფლების აღკვეთას ითვალისწინებს.

გური ჟვანიას ბრალდება სსსკ-ის 225-ე მუხლის მეორე ნაწილით აქვს წარდგენილი, რაც ჯგუფურ ძალადობაში მონაწილეობას გულისხმობს.

პაატა მანჯგალაძეს ბრალდება სსსკ-ის 225-ე მუხლის პირველი ნაწილით წარედგინა, რაც ჯგუფური ძალადობის ორგანიზებას გულისხმობს. აღნიშნული ქმედება სასჯელის სახედ და ზომად 6-დან 9- წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა