ჯგუფურად ძალადობის ბრალდებით დაკავებულები - თორნიკე თოშხუა და მინდია შერვაშიძე სასამართლომ პატიმრობაში დატოვა.

ბრალდების მხარე მათ ბექა გოცირიძეზე თავდასხმას ედავება. ბექა გოცირიძე - აქტივისტების თქმით, ქართული ოცნების მხარდამჭერია, რომელიც პარლამენტთან პროვოკაციას აწყობდა.

ბექა გოცირიძემ დღევანდელ პროცესზე გამოკითხვისას განაცხადა, რომ მას პრეტენზია არ ექნება, თუ ბრალდებულები გირაოს სანაცვლოდ გათავისუფლდებიან. მან პროცესზე ასევე თქვა, რომ თუ ბრალდებულებს გაათავისუფლებენ "ძალიან გაუხარდება".

თორნიკე თოშხუასა და მინდია შერვაშიძეს წინააღმდეგ გამოძიება სისხლის სამართლის კოდექსის 126-ე მუხლის პირველი პრიმა ნაწილის „ბ“ ქვეპუნქტით მიმდინარეობს, რაც ჯგუფურად ჩადენილ ძალადობას გულისხმობს. დანაშაული 2 წლამდე ვადით პატიმრობას ითვალისწინებს.

სამოქალაქო აქტივისტები ამბობენ, რომ თორნიკე თოშხუას, მინდია შერვაშიძისა და ბექა გოცირიძის დაპირისპირება ბექა გოცირიძის მხრიდან სიტყვიერ შეურაცხყოფას მოჰყვა. როგორც აქციის მონაწილეები ამბობენ, ბექა გოცირიძეს თან ჰქონდა დანა, რომელიც დაპირისპირებისას ჯიბიდან ამოუვარდა.

ავტორი: ექსპრესნიუსი,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება