სლოვაკეთში ანტისამთავრობო აქციაზე ქვეყნის პრემიერ-მინისტრის, რობერტ ფიცოს ბოლოდროინდელი ქმედებები გააპროტესტეს, მათ შორის, კორუფციისა და სხვა კრიმინალური საქმიანობასთან ბრძოლის მიმართულებით მომუშავე დამოუკიდებელი სამსახურების გაუქმება და სისხლის სამართლის კოდექსში ცვლილებების შეტანა. ინფორმაციას ამის შესახებ „ასოშიეთიდ პრესი“ ავრცელებს.

მედიის ინფორმაციით, აქციები მთელი ქვეყნის მასშტაბით ათ სხვადასხვა ადგილას, მათ შორის სლოვაკეთის დედაქალაქ ბრატისლავაში გაიმართა.

მედიის ცნობით, თავისუფლების მოედანზე შეკრებილმა დემონსტრანტებმა რობერტ ფიცოს გადადგომა და სლოვაკეთის პრეზიდენტის, პეტერ პელეგრინის მიერ ცვლილებებზე ვეტოს დადება მოითხოვეს.

კანონპროექტის კანონად ქცევისთვის სწორედ პრეზიდენტის ხელმოწერაა საჭირო, თუმცა მთავრობას მის გადასალახად უმრავლესობა აქვს.

„ფიცოს მთავრობა მაფიას ეხმარება,“ – სკანდირებდნენ აქციაზე შეკრებილი მოქალაქეები.

ანტისამთავრობო აქციის ორგანიზატორმა და ოპოზიციური პარტიის, „პროგრესული სლოვაკეთის“ ლიდერმა, მიხალ შიმეჩკამ დემონსტრანტებს განუცხადა, რომ „სლოვაკეთი ერთადერთი ქვეყანაა, სადაც მთავრობა ამტკიცებს კანონებს, რათა კრიმინალებსა და მაფიას ცხოვრება გაუმარტივოს“.

ავტორი: ექსპრესნიუსი,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება