„ანგარიშების დაყადაღების გადაწყვეტილება რეალურად ორგანიზაციების ინსტიტუციურ და ფინანსურ პარალიზებას ნიშნავს. „ქართულ ოცნებას“ სურს, რომ ჩვენ აღარ შევძლოთ მოქალაქეებისა და სოციალური ჯგუფების მხარდაჭერა“, - წერს სოციალური სამართლიანობის ცენტრის ხელმძღვანელი თამთა მიქელაძე სოციალურ ქსელში.

მიქელაძემ პროკურატურის გამოძიების ფარგლებში რამდენიმე არასამთავრობო ორგანიზაციის საბანკო ანგარიშების დაყადაღებაზე კომენტარი გააკეთა.

„მეგობრებო, ვიცი, რომ ბევრ თქვენგანს აწუხებს ის, რაც ახლა სამოქალაქო საზოგადოების ორგანიზაციებთან ხდება. დღეს დილით აღმოვაჩინეთ, რომ ჩვენი ანგარიშები დაყადაღებულია. თავიდან გვეგონა, რომ ეს კორუფციის წინააღმდეგ ბრძოლის ბიუროს პროცედურის ნაწილი იყო, მაგრამ მოგვიანებით, პროკურატურის მიერ საჯარო განცხადების გაკეთების შემდეგ, აღმოჩნდა, რომ ჩვენი ანგარიშები, სხვა ორგანიზაციების მსგავსად, პროკურატურის მოთხოვნით დაყადაღეს ე.წ. საბოტაჟის გამოძიების ფარგლებში. ეს ბრალდება იმდენად აბსურდულია, რომ ალბათ მისი უარყოფა არც კი სჭირდება - მაგრამ ამაზე დეტალურად მოგვიანებით დავწერთ. ამავდროულად, ეს გადაწყვეტილება რეალურად ორგანიზაციების ინსტიტუციურ და ფინანსურ პარალიზებას ნიშნავს. „ქართულ ოცნებას“ სურს, რომ შევწყვიტოთ მოქალაქეებისა და სოციალური ჯგუფების მხარდაჭერა, გავჩუმდეთ, შევწყვიტოთ მათი დანაშაულებისა და უსამართლობის გამოაშკარავება, შევწყვიტოთ საზოგადოებაში სოლიდარობის დამყარება. სამოქალაქო საზოგადოების ორგანიზაციების განადგურების გადაწყვეტილება, რომელიც ვიზალიბერალიზაციის ვადის ამოწურვამდე (31 აგვისტომდე) სულ რაღაც რამდენიმე დღით ადრე იქნა მიღებული, სერიოზულ კითხვებს ბადებს. ეს, ფაქტობრივად, „ქართული ოცნების“ მიერ ბრიუსელთან ურთიერთობების ესკალაცია და მთელი პროცესის საბოტაჟია“, - წერს თამთა მიქელაძე.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო