რუსეთის საგარეო საქმეთა სამინისტროს სპიკერის, მარია ზახაროვას თქმით, ისრაელსა და ირანს შორის მიმდინარე კონფლიქტი სერიოზულ ბირთვულ საფრთხეს ქმნის.

"აღსანიშნავია, რამდენად მცირე ყურადღებას აქცევს დასავლური მედია ბირთვულ რისკებს, არ ისმის განგაშის ზარები, არ არის მოწოდებები თავშეკავებისკენ, თითქოს ეს მხოლოდ მორიგი ესკალაციაა, რომელიც არაერთხელ გვინახავს".

მისი თქმით, არასწორია იმის დაშვება, რომ ისრაელის დარტყმები ავტომატურად გამორიცხავს ბირთვულ კატასტროფას.

"რა თქმა უნდა, ადვილია ითქვას, რომ ეს მიზნობრივი და კარგად გათვლილი ოპერაციებია, მაგრამ ჩვენ გვინახავს, როგორ გადაუხვევიათ რაკეტებს კურსისთვის, რასაც მიზნიდან შორს აფეთქებები გამოუწვევია". - თქვა ზახაროვამ.

საგარეო უწყების წარმომადგენლის თქმით, რადიაცია არ ამოწმებს პასპორტებს და არ აინტერესებს ეთნიკურობა და საზღვრები.

მანამდე, 19 ივნისს, რუსეთის საგარეო საქმეთა სამინისტრომ აშშ კვლავ გააფრთხილა, რომ ირანის წინააღმდეგ სამხედრო მოქმედებები არ წამოიწყოს იმ ფონზე, როცა მედიაში გავრცელებული ინფორმაციით, ტრამპი ირანის წინააღმდეგ საჰაერო იერიშებში ამერიკის ჩართვას განიხილავს. 

"გვსურს, განსაკუთრებით გავაფრთხილოთ ვაშინგტონი, რომ თავი შეიკავოს ამ სიტუაციაში სამხედრო ჩარევისგან". - თქვა ზახაროვამ. 

მისი თქმით, აშშ-ს მხრიდან ასეთი გადაწყვეტილება "უკიდურესად სახიფათო ნაბიჯი იქნება, რომელსაც ნამდვილად გაუთვალისწინებელი ნეგატიური შედეგები მოჰყვება".

ავტორი: ექსპრესნიუსი,

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა