სოციალური კვლევისა და ანალიზის ინსტიტუტის (ISSA) მიერ ჩატარებული რაოდენობრივი კვლევის მიხედვით, გამოკითხული მოსახლეობის 54.5% ოპოზიციის ადგილობრივ თვითმმართველობის არჩევნებში მონაწილეობას ემხრობა - კვლევის პრეზენტაცია დღეს 15 ივნისს, გაიმართა.

არსებული ინფორმაციით, საზოგადოებრივი აზრის კვლევაში 2000 რესპოდენტი მონაწილეობდა - შედგა პირისპირი ინტერვიუ, კვლევის საველე სამუშაოები ჩატარდა 2025 წლის 5-20 მაისის შუალედში.

კითხვაზე, უნდა მიიღონ თუ არა ოპოზიციურმა პარტიებმა მონაწილეობა 2025 წლის ადგილობრივ არჩევნებში, მოსახლეობას განწყობა ასე ნაწილდება: დიახ - 54,4 %,  არა - 22,3%  არ ვიცი / უარი პასუხზე - 23,2%.

ISSA-ს კვლევის მიხედვით, მონაცემები განსხვავებულია თბილისსა და საქართველოს რეგიონებში - თბილისში, ოპოზიციის არჩევნებში მონაწილეობას 50% ემხრობა, წინააღმდეგია ან უარის ამბობს პასუხზე - 50%. 

რეგიონებში 56,4% ამბობს, რომ ოპოზიციამ უნდა მიიღოს მონაწილეობა არჩევნებში. 

ასევე, კითხვაზე, "ხელისუფლების წინააღმდეგ მიმართული პროტესტი უნდა გაგრძელდეს, თუ უნდა შეწყდეს" განწყობა შემდეგი სახით განაწილდა: 

• საქართველოს მოსახლეობის 31.7% თვლის, რომ უნდა პროტესტი უნდა გაგრძელდეს 
• ამავე კითხვაზე თბილისში გამოკითხული მოსახლეობის 44.1% ასევე თვლის, რომ პროტესტი უნდა გაგრძელდეს, ხოლო 24.9% თვლის, რომ არ უნდა გაგრძელდეს.

კვლევა აწარმოა სოციალური კვლევისა და ანალიზის ინსტიტუტმა (ISSA), ამერიკულ ორგანიზაცია Rosner Research LLC - თან ერთად.

ავტორი: ექსპრესნიუსი,

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება