ნიკა გვარამიას გარშემო აბსურდის თეატრი ტრიალებს, - ამის შესახებ “ნაციონალური მოძრაობის“ ერთ-ერთმა ლიდერმა პეტრე ცისკარიშვილმა განაცხადა.

ცისკარიშვილის თქმით, გვარამიას მიერ დროებით საგამოძიებო კომისიაზე არმისვლა, “ნამდვილად არ არის კანონდარღვევა და არალეგალური მოქმედება”.

“როცა თვითმარქვია პარლამენტის თვითმარქვია, თვითგამოცხადებული რეჟიმის არაკანონიერი კომისია გიბარებს და არ მიდიხარ, ეს კანონდარღვევა და არალეგალური მოქმედება ნამდვილად არ არის. აქედან გამომდინარე, ნიკა გვარამიას გარშემო აბსურდის თეატრი ტრიალებს“, - განაცხადა პეტრე ცისკარიშვილმა.

ნიკა გვარამიას აღკვეთის ღონისძიების სახით შეფარდებული გირაო პატიმრობით შეეცვალა.

შეგახსენებთ, რომ გვარამია საქართველოს პარლამენტის დროებით საგამოძიებო კომისიაზე ახსნა-განმარტების მისაცემად დაიბარეს, სადაც ის არ გამოცხადდა. აღნიშნულთან დაკავშირებით მას ბრალი სისხლის სამართლის კოდექსის 349-ე მუხლით აქვს წარდგენილი, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს. აღნიშნული ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

ნიკა გვარამიას აღკვეთის ღონისძიების სახით თავდაპირველად 30 000-ლარიანი გირაო შეეფარდა და გირაოს გადასახდელად 50-დღიანი ვადა განესაზღვრა. გვარამიამ გირაო არ გადაიხადა.

ავტორი: ექსპრესნიუსი,

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება