სასამართლო ციხე-სიმაგრედაა გადაქცეული, ყველა კარები დაკეტილია. როგორც ჩანს, ზურაბ ჯაფარიძეს დაჭერას აპირებენ, ეს არის დღევანდელი ციხე - სახელმწიფო - ამის შესახებ ჟურნალისტებს ოპოზიციონერმა პოლიტიკოსმა, გიგი უგულავამ განუცხადა.

მისივე თქმით, ეს სასამართლო არაა, „ეს არის მონსტრების კორპორაცია, რომელსაც რასაც უბრძანებენ, იმას აკეთებს“.

„დღეს გაცილებით მძიმე ამბავი ხდება აქ, სასამართლოში. პრაქტიკულად, ჩვენ ვაკვირდებით გამოცხადებული დაჭერის ქრონიკას. ზურაბ ჯაფარიძეს დაჭერას, როგორც ჩანს, აპირებენ და ვხედავთ რა ხდება სასამართლოში. ციხე-სიმაგრედაა გადაქცეული. ყველა კარები დაკეტილია. მთლიანად, მთელი აღმოსავლეთ საქართველოდან მოხსნილია პოლიცია და აქაა. ეს არის დღევანდელი ციხე - სახელმწიფო.

რაც უფრო დიდხანს გაგრძელდება ეს ძალადობა და მარაზმი, ამის შედეგი იქნება მხოლოდ ერთადერთი. რაც უფრო დიდხანს იბოგინებს „ქართული ოცნება“, რაც უფრო დიდხანს იძალადებს, მით უფრო მტკივნეული და სასტიკი იქნება ივანიშვილისა და მათი ბოლო. ეს არის ლოგიკა, რომელსაც მსოფლიოს ისტორიაში ვერავინ ვერასდროს გაექცა. დღევანდელი დღე კარგად დაიმახსოვრეთ! გაგრძელდება ეს ძალადობა, სამწუხაროდ, დაჭერებიც გაგრძელდება, მაგრამ შედეგი ივანიშვილისთვის სასტიკი იქნება. ეს ძალადობა შობს იმხელა სიძულვილს, რომელიც მას, მის ოჯახებს და ყველას გადაუვლის როგორც საშინელი ღრუბელი. ეს უნდა გააცნობიეროს ყველამ, რომელიც ამ გადაწყვეტილებებს იღებს და ძალადობს ადამიანებზე, უკანონოდ აკავებს. ეს სასამართლო არაა, ეს არის მონსტრების კორპორაცია, რომელსაც რასაც უბრძანებენ, იმას აკეთებს“, - განაცხადა გიგი უგულავამ.

ცნობისთვის, თბილისის საქალაქო სასამართლოში, პარლამენტის დროებით საგამოძიებო კომისიაზე გამოუცხადებლობის გამო, ზურაბ გირჩი ჯაფარიძის სასამართლო პროცესი გაიმართება. სხდომა 15:00 საათზეა ჩანიშნული. სასამართლო, სავარაუდოდ, აღკვეთის ღონისძიების შეცვლაზე იმსჯელებს. თავად ზურაბ გირჩი ჯაფარიძე მის დაკავებას არ გამორიცხავს.

ავტორი: ექსპრესნიუსი,

სოციალური ქსელები

იუსტიციის სამინისტრომ პატიმართა კვებისთვის ₾201 მილიონიანი ხელშეკრულებები გააფორმა

ინფრასტრუქტურული პროექტების რეგულირება მკაცრდება - მთავრობა ცვლილებათა პაკეტს ამზადებს

2026 წლის I კვარტალში ტელე და რადიო მაუწყებლების კომერციული შემოსავალი 64%-ით გაიზარდა

კიევში გლოვის დღე გამოცხადდა, ბოლო ცნობით, რუსული რაკეტის თავდასხმისას 24 ადამიანი გარდაიცვალა