უკრაინასა და აშშ-ს შორის გაფორმებული შეთანხმება მინერალების შესახებ არ ეწინააღმდეგება ევროკავშირის კანონმდებლობას და არ იქნება დაბრკოლება ევროკავშირში უკრაინის გაწევრიანებისთვის.

უკრაინული მედიის ცნობით, ამის შესახებ ბრიუსელში გამართულ ბრიფინგზე ევროკომისიის პრესმდივანმა, პაოლა პინიომ განაცხადა.

ევროკომისიის წარმომადგენელმა აღნიშნა, რომ შეთანხმება ითვალისწინებს უკრაინის გეგმებს ევროკავშირში გაწევრიანებასთან დაკავშირებით.

„მივესალმებით გუშინ მიღწეულ შეთანხმებას, რომელიც ითვალისწინებს უკრაინის ევროკავშირში გაწევრიანების პროცესს და ევროკავშირის კანონმდებლობას, რაც, ცხადია, საკვანძო მნიშვნელობისაა. ეს არის ის, რაც ჩვენ უკრაინელ კოლეგებთან განვიხილეთ. ჩვენ გვესმის, რომ ეს მათ ინტერესებშიც შედიოდა, დარწმუნებულიყვნენ, რომ შეთანხმება არ გახდება დაბრკოლება მომავალში ევროკავშირში შესაძლო გაწევრიანებისთვის“, – განაცხადა პაოლა პინიომ.

უკრაინამ და აშშ-მა მინერალების შესახებ შეთანხმებას 30 აპრილს ვაშინგტონში მოაწერეს ხელი. დოკუმენტი აშშ-უკრაინის რეკონსტრუქციის საინვესტიციო ფონდის შექმნას ითვალისწინებს. შეთანხმების ტექნიკური ნაწილი ჯერ არ არის გაფორმებული და გამოქვეყნებული.

ავტორი: ექსპრესნიუსი,

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა