სურსათის ეროვნული სააგენტოს უფროსის, ზურაბ ჩეკურაშვილის განცხადებით, პანიკის საფუძველი არ არსებობს, რადგან აფლატოქსინ M1-ის შემცველობა კრიტიკული არ არის.

სოფლის ნობათის რძის პროდუქტებში აფლატოქსინ M1-ის გამოვლენის შესახებ ინფორმაცია, 3 აპრილს, თავად სურსათის ეროვნულმა სააგენტომ გაავრცელა.

"მთელი პასუხისმგებლობით ვაცხადებ, რომ არანაირი პანიკის საფუძველი არ არსებობს, უპირველესად იმის გამო, რომ აფლატოქსინ M1-ის შემცველობა კრიტიკული არ არის.

ჩვენ, 2016 წლამდე გვქონდა ძველი კანონმდებლობა, მაგრამ მას შემდეგ, რაც ჩვენ გავხდით ასოცირების წევრი და DCFTA-ის ხელშეკრულებას მოვაწერეთ ხელი, ავიღეთ მსოფლიოში არსებული აფლატოქსინ M1-ის უმაღლესი სტანდარტი 0, 05, 0,5-ის მაგივრად. ეს არის ყველაზე მკაცრი სტანდარტი, რაც შეიძლება იყოს მსოფლიოში". - განაცხადა სეს-ის ხელმძღვანელმა.

მისივე განცხადებით, დღეს დახლებზე არსებული სოფლის ნობათის პროდუქცია საფრთხეს არ შეიცავს. მისი თქმით, აფლატოქსინ M1-ის შემცველი პროდუქცია დახლებიდან სრულიად მოხსნილია.

"დღეს დილიდან დამატებით, საქართველოს მასშტაბით, თბილისის საქალაქო სამსახურსა და რეგიონულ სამსახურებს დავავალეთ სავაჭრო ქსელების კიდევ ერთხელ შემოწმება, რომ დარწმუნებულები ვყოფილიყავით ამ პარტიის ეს ნაწარმი სოფლის ნობათი მოხსნილია თაროებიდან და არ არის გაყიდვაში. ახლა შემიძლია გითხრათ, რომ ეს ნამდვილად ასეა და საქართველოს არცერთ დასახლებულ პუნქტში ეს პროდუქცია უკვე აღარ იყიდება". - თქვა ჩეკურიშვილმა. 

როგორც მან განმარტა, დამატებით შეისწავლეს ის კომპანია, რომელიც ბაღებსა და სკოლებს რძის პროდუქტებით ამარაგებს, ჩეკურიშვილის განცხადებით, "იქ ყველაფერი წესრიგშია".

გუშინ, 3 აპრილს, ​​​​სურსათის ეროვნულმა სააგენტომ გაავრცელა განცხადება, რომ მათმა ინსპექტორებმა 28 მარტს შპს ვიმ-ბილ-დან საქართველო (ს/კ 204546553 (სოფლის ნობათი) შეამოწმეს. მათი ინფორმაციით, ინსპექტირების შედეგად საწარმოში კრიტიკული შეუსაბამობა არ გამოვლენილა, თუმცა, კომპანიას დაევალა  აზერბაიჯანში წარმოებული რძის 5 ნიმუშის აღება (რომლიდანაც ერთი არის ბავშვთა კვებისთვის განკუთვნილი) და აფლატოქსინ M1-ზე გამოკვლევა.

სააგენტოს ზედამხედველობით აღებული ნიმუშები გაიგზავნა აკრედიტებულ ლაბორატორიაში. ლაბორატორიული კვლევის შედეგად აფლატოქსინ M1-ის გადაჭარბებული ოდენობა გამოვლინდა ხუთ ნიმუშში. კერძოდ,

• სასმელი რძე საბავშვო, ულტრაპასტერიზებული - 2,5% ცხიმიანობით - დამზადების თარიღი: 04.02.2025, ვარგისიანობის ვადა: 03.08.2025;
• სასმელი რძე რჩეული ულტრაპასტერიზებული, 1,5% ცხიმიანობით - დამზადების თარიღი: 12.02.2025, ვარგისიანობის ვადა: 11.08.2025;
• ⁠სასმელი რძე რჩეული ულტრაპასტერიზებული, 1,5% ცხიმიანობით - დამზადების თარიღი: 10.02.2025, ვარგისიანობის ვადა: 09.08.2025;
• ⁠სასმელი რძე რჩეული ულტრაპასტერიზებული, 2,5% ცხიმიანობით - დამზადების თარიღი: 09.02.2025, ვარგისიანობის ვადა: 08.08.2025;
• ⁠სასმელი რძე რჩეული ულტრაპასტერიზებული, 3,2% ცხიმიანობით - დამზადების თარიღი: 02.02.2025, ვარგისიანობის ვადა: 01.08.2025.

"შპს „ვიმ-ბილ-დან საქართველოს დაევალა დასახელებული სურსათის პარტიების სარეალიზაციო ქსელიდან ამოღება/გამოთხოვა. სურსათის ეროვნული სააგენტო მოუწოდებს მომხმარებელს, არ გამოიყენოს აღნიშნული რძე.

აფლატოქსინი წარმოიქმნება ობის სოკოებისაგან. აფლატოქსინ B1-ით დაბინძურებული საკვები ხვდება ცხოველის ორგანიზმში, საიდანაც გადადის რძეში და გარდაიქმნება M1 აფლატოქსინად, რაც საფრთხეს უქმნის ადამიანის ჯანმრთელობას" - აცხადებს სააგენტო.

ავტორი: ექსპრესნიუსი,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას