Facebook ჯგუფ "ცხოველთა უფლებების კომიტეტში" ვრცელდება ინფორმაცია, რომ ღრმაღელის მეტროსთან ძაღლს ცეცხლსასროლი იარაღიდან ესროლეს. მსროლელი კი ამავე ინფორმაციით, პატრულმა დაუშვა, რადგან "თანამშრომელი" აღმოჩნდა:

"ამ წუთებში , თბილისში ღრმაღელის მეტროსთან , ერთმა ნაბი*ვარმა, იარაღი ამოიღო შუა ქუჩაში და ესროლა ძაღლს, მიზეზით რომ ბავშვს დაუყეფა, თვითმხილველები ამბობენ რომ არანაირი აგრესია არ ყოფილა ძაღლისგან ყეფის გარდა, ისიც ზოგიერთი ამბობს რომ არც გაუგონია, მე პირადად ქუჩის მეორე მხარეს ვიდექი და არც მე გამიგონია, ამას კამერები დაადასტურებენ…. ეს ნაგავი, პატრულის მანქანიდან გაუშვეს, როგორც თქვეს, თანამშრომელია… " წერს მოქალაქე და ვიდეოკადრებს ავრცელებს.

მისივე ინფორმაციით, ძაღლი კლინიკაშია გადაყვანილი და მისი მდგომარეობა სტაბილურია.

"მთავარი არხის" ვებგვერდს შინაგან საქმეთა სამინისტროში უთხრეს, რომ ძაღლმა პოლიციელის შვილის მიმართ გამოხატა აგრესია, რის გამოც "პოლიციის მაიორი შეეცადა, მოეგერიებინა".

"შინაგან საქმეთა სამინისტროს თანამშრომელი, მის მცირეწლოვან შვილებთან ერთად გადაადგილდებოდა გურამიშვილის გამზირზე, რა დროსაც ძაღლმა აგრესია გამოხატა მისი 6 წლის შვილის მიმართ. 

პოლიციის მაიორი შეეცადა, რომ მოეგერიებინა ძაღლი, რის გამოც იძულებული გახდა აუცილებელი მოგერიების ფარგლებში სამსახურებრივი იარაღიდან განეხორციელებინა გასროლა.

ძაღლი გადაყვანილია ვეტერინარულ კლინიკაში. ფაქტთან დაკავშირებით შედგა შესაბამისი რეაგირების ოქმი და მიმდინარეობს მოკვლევა", - აცხადებენ შსს-ში.

ავტორი: ექსპრესნიუსი,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას