„ძლიერი საქართველოს“ ოფისმენეჯერი და პარტიის იურისტი თორნიკე ართქმელაძე დაბარებულები არიან პროკურატურაში. პროკურატურაში, რომელიც პოლიტიკური მიზანშეწონილებით საზღვრავს ყველა ქმედებასა და გადაწყვეტილებას - პროკურატურაში მისვლას არ ვაპირებთ, თუმცა მზად ვართ, რომ ნებისმიერ დროს გამოვცხადდეთ სასამართლო დარბაზში, მაგისტრატი მოსამართლის წინაშე, - ამის შესახებ „კოალიცია ძლიერი“ საქართველოს წევრმა, ირაკლი კუპრაძემ განაცხადა.

მისი თქმით, დასავლელ პარტნიორებს მიაწვდიან ინფორმაციას, ყველა იმ ტიპის ზეწოლაზე, რომელიც „ძლიერი საქართველოს“ წინააღმდეგ ხორციელდება.

„ივანიშვილის რუსული რეჟიმი აგრძელებს ბრძოლას მისი მთავარი ოპონენტის „ძლიერი საქართველოს“ წინააღმდეგ. ჩვენი ლიდერების მამუკა ხაზარაძისა და ბადრი ჯაფარიძის საქართველოს პროკურატურაში დაბარების შემდეგ, რომელიც მხოლოდ ერთი კაცის - ბიძინა ივანიშვილის ინტერესებს ემსახურება - იბარებს ჩვენი ოფისის თანამშრომლებსა და კოალიციის წევრებს.

„ძლიერი საქართველოს“ ოფისმენეჯერი და პარტიის იურისტი თორნიკე ართქმელაძე დაბარებულები არიან პროკურატურაში. პროკურატურაში, რომელიც პოლიტიკური მიზანშეწონილებით საზღვრავს ყველა ქმედებასა და გადაწყვეტილებას. ღიად ვაცხადებთ საზოგადოების წინაშე, რომ ჩვენ საქართველოს მოქალაქეების, ეროვნული ინტერესებისა და 2 მთავარი მოთხოვნის - ახალი არჩევნებისა და პოლიტპატიმრების გათავისუფლების - წინაშე ვართ ანგარიშვალდებულები. ჩვენ დასავლელ პარტნიორებს მივაწვდით ინფორმაციას, ყველა იმ ტიპის ზეწოლაზე, რომელიც ჩვენი კოალიციის წინააღმდეგ ხორციელდება.

ვაგრძელებთ ბრძოლას, პროკურატურაში მისვლას არ ვაპირებთ, თუმცა მზად ვართ, რომ ნებისმიერ დროს გამოვცხადდეთ სასამართლო დარბაზში, მაგისტრატი მოსამართლის წინაშე.

ეს ბრძოლა არის საქართველოს მოქალაქეების ბრძოლა, ასევე „ძლიერი საქართველოს“ ბრძოლა, სადაც როგორც მთავარ ოპონენტს ივანიშვილი და მისი რეჟიმი დევნის“, - განაცხადა ირაკლი კუპრაძემ.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან