2025-03-16 14:48:18, 1357 ნახვა
ომი უკრაინაში
უკრაინულმა ჯარებმა კურსკის ოლქის ქალაქი სუჯა დატოვეს
უკრაინის თავდაცვის ძალებმა, უფრო ხელსაყრელი პოზიციების დასაკავებლად, კურსკის ოლქის ქალაქი სუჯა დატოვეს, - უკრაინული მედიის ინფორმაციით, ამის შესახებ ქვეყნის შეიარაღებული ძალების გენერალური შტაბის ანგარიშშია აღნიშნული.
უკრაინული მედია იუწყება, რომ კურსკის ოლქში მიმდინარე ოპერაციის ოფიციალურ რუკაზე სუჯა მონიშნულია, როგორც რუსეთის კონტროლის ქვეშ მყოფი, რაც ქალაქიდან უკრაინული ძალების გაყვანის ოფიციალურ დადასტურებას ნიშნავს.
ამასთან, უკრაინის გენშტაბის ცნობით, რუსები არ თმობენ უკრაინული ჯარების პოზიციების დაკავების მცდელობებს და კურსკის მიმართულებით, მხოლოდ 15 მარტს, 17 შეიარაღებული შეტაკება განხორციელდა.
ავტორი: ექსპრესნიუსი,
epn.ge (@expressnews.ge)
