ცენტრალური საარჩევნო კომისიის (ცესკო) წევრებს, პენსიაზე გასვლის შემდეგ, სახელმწიფო კომპენსაცია დაენიშნებათ. შესაბამის საკანონმდებლო ცვლილებებს ხელი უკვე მოაწერა “ქართული ოცნების” პრეზიდენტმა, მიხეილ ყაველაშვილმა.

კომპენსაციის ოდენობა იქნება ცესკოს მოქმედი წევრის თანამდებობრივი სარგოს მესამედი. ცვლილების მიხედვით, კომპენსაცია ერგებათ 65 წელს მიღწეულ იმ პირებს, ვისაც, ჯამში, 25-წლიანი სამუშაო სტაჟი აქვთ, მათ შორის – უწყვეტი 5 წლის განმავლობაში იყვნენ ცესკოს წევრები.

ამ პირობების დაკმაყოფილების შემთხვევაშიც კი, კომპენსაციას ვერ მიიღებენ ისინი, ვისაც სასამართლომ საარჩევნო კოდექსის დარღვევა დაუდასტურა.

სახელმწიფო კომპენსაცია ენიშნებათ იმ პირებს, ვისაც სახელმწიფოს წინაშე განსაკუთრებული სამსახურის აქვთ შესრულებული და მიაღწევენ გარკვეულ ასაკს, ან შესაძლებლობების შეზღუდვის გამო ვეღარ ახერხებენ მოვალეობის შესრულებას.

აქამდე მსგავსი კომპენსაცია ჰქონდათ პარლამენტის წევრებს, გენერალურ აუდიტორსა და მის მოადგილეებს და საერთო, უზენაესი და საკონსტიტუციო სასამართლოების მოსამართლეებს.

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს