ამერიკის შეერთებული შტატების არჩეულმა პრეზიდენტმა, დონალდ ტრამპმა, განაცხადა, რომ BRICS-ის ქვეყნების მხრიდან აშშ დოლარის ჩანაცვლების მცდელობა მიუღებელია და მათ 100%-იანი ტარიფების დაწესებით დაემუქრა. ტრამპის თქმით, ეს ქვეყნები უნდა დაემშვიდობონ აშშ-ის შესანიშნავ ბაზარზე გაყიდვას, თუ ისინი ახალ ვალუტას შექმნიან ან სხვა ვალუტით ჩაანაცვლებენ აშშ დოლარს.  

იდეა, რომ BRICS-ის ქვეყნები შეეცდებიან დოლარზე უარი თქვან სანამ ჩვენ განზე ვდგავართ და ვუყურებთ, დასრულდა. ვითხოვთ ამ ქვეყნებისგან ვალდებულებას, რომ არც BRICS-ის ახალი ვალუტა შექმნან და არც სხვა ვალუტით ჩაანაცვლონ აშშ დოლარი, წინააღმდეგ შემთხვევაში 100%-იანი ტარიფები დაემუქრებათ და უნდა ელოდონ, დაემშვიდობონ აშშ-ის შესანიშნავ ბაზარზე გაყიდვას“, - წერს ტრამპი პლატფორმა Truth Social-ზე.

BRICS-ის ჯგუფი თავდაპირველად აერთიანებდა ხუთ ქვეყანას: ბრაზილია, რუსეთი, ინდოეთი, ჩინეთი და სამხრეთ აფრიკა. 2024 წლის დასაწყისში მათ შეუერთდნენ ირანი, ეგვიპტე, ეთიოპია და არაბთა გაერთიანებული საამიროები.  

აღსანიშნავია, რომ BRICS-ის ქვეყნები განიხილავენ ახალი საერთო ვალუტის შექმნას, რათა შეამცირონ აშშ დოლარზე დამოკიდებულება საერთაშორისო ვაჭრობაში. ეს იდეა განსაკუთრებით აქტუალური გახდა რუსეთის წინააღმდეგ დასავლეთის სანქციების შემდეგ.  

ავტორი: ექსპრესნიუსი,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება