სალომე ზურაბიშვილს აქვს მძიმე ფსიქოლოგიური მდგომარეობა, უკვე პირდაპირი გაგებით ორი პარასკევი დარჩა მას, ზუსტად ორ კვირაში ტარდება საქართველოს პრეზიდენტის ინაუგურაცია და სალომე ზურაბიშვილს მოუწევს თანამდებობის დატოვება,- ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.

კობახიძის თქმით, "აგენტების ხვედრი არის ტრაგიკული და ამის მაგალითია არაერთი ქართველი პოლიტიკოსი".

"გამომდინარე იქიდან, რომ ჩვენ გვიწევდა სალომე ზურაბიშვილთან ოპონირება, განსხვავებული ტიპის განცხადებები კეთდებოდა, ობიექტური შეფასებები მასთან დაკავშირებით. ახლა მე მინდა, სხვა რეჟიმში გითხრათ ერთი რამ - ეს არის უბრალოდ ტრაგიკული პიროვნება, მას მოუწია გარე ძალების სამსახურში შესვლა, წლებით ჯერ ადრე, თავის დროზე და ახლა უკვე მეორედ და ნებისმიერი აგენტის ხვედრი არის აბსოლუტურად ტრაგიკული.

შესაბამისად, ჩვენ შეგვიძლია თანავუგრძნოთ ამ ადამიანს და ერთი მნიშვნელოვანი რამ არის, რაც ყველამ უნდა გაითვალისწინოს, ყველამ ვინც შეიძლება თეორიულად მაინც ფიქრობდეს ასეთ სამსახურში შესვლაზე, რომ აგენტები ყოველთვის ამთავრებენ ძალიან მძიმედ, ეს გამოჩნდა არაერთი ქართველი პოლიტიკოსის მაგალითზე. ხედავთ, სად არიან გახარია, ჩუგოშვილი და სხვები და იმავე გზას გაუყენეს ახლა სალომე ზურაბიშვილიც. ასეთი ადამიანების ცხოვრება და ხვედრი არის ტრაგიკული. შესაბამისად ახლა უკვე, როდესაც ის საბოლოოდ ტოვებს თანამდებობას, შეგვიძლია მხოლოდ და მხოლოდ თანაგრძნობა გამოვხატოთ მის მიმართ",- განაცხადა კობახიძემ.

ავტორი: ექსპრესნიუსი,

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა