2024-12-03 23:48:50, 412 ნახვა
პოლიტიკა
სპეცრაზმმა პარლამენტის წინა პერიმეტრი გაათავისუფლა - დააკავეს რამდენიმე მომიტინგე [ვიდეო]
სპეციალური დანიშნულების რაზმმა პარლამენტის შენობის წინა პერიმეტრი მომიტინგეებისგან გაათავისუფლა.
როგორც „ექსპრესნიუსის“ კორესპოდენტი ადგილიდან იტყობინება, პარალელურად აქციის მონაწილეების დაკავებებიც დაიწყო.
ამასთან ერთად, საპოლიციო ძალები იყენებენ ე.წ. წიწაკის სპრეისა და გაზის კაფსულებს, რის შედეგადაც მოქალაქეები დაზიანდნენ.
მომიტინგეებმა მოძრაობა ოპერის მიმართულებით დაიწყეს.
აღსანიშნავია, რომ მანამდე, იყენებდნენ წლის ჭავლსაც.
შეგახსენებთ, თბილისში, რუსთაველის გამზირზე საპროტესტო აქცია მე-6 დღეა იმართება. პროტესტი მას შემდეგ დაიწყო, რაც 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.
ავტორი: ექსპრესნიუსი,
epn.ge (@expressnews.ge)
